കൊളംബോ: ശ്രീലങ്കയിൽലുണ്ടായ വാഹനാപകടത്തിൽ മന്ത്രിയടക്കം മൂന്നു പേർക്ക് ദാരുണാന്ത്യം. ജലവിഭവ മന്ത്രി സനത് നിഷാന്ത (48) ആണ് മരിച്ചത്. മന്ത്രിയുടെ ഡ്രൈവറും സുരക്ഷാ ജീവനക്കാരനുമാണ് മരിച്ച മറ്റു രണ്ടു പേർ.

പുലർച്ചെ രണ്ടിനു കൊളംബോ എക്സ്‌പ്രസ്വേയിലായിരുന്നു അപകടം. മന്ത്രി സഞ്ചരിച്ച എസ്യുവിയും കണ്ടെയ്‌നർ ട്രക്കും കൂട്ടിയിടിക്കുകയായിരുന്നു. മന്ത്രിയുടെ വാഹനത്തിന്റെ മുൻഭാഗം പൂർണമായി തകർന്നെന്നു പൊലീസ് അറിയിച്ചു.