ഫ്രാൻസ്: പാരീസിലെ ഇറാൻ കോൺസുലേറ്റിൽ പ്രവേശിച്ച അജ്ഞാതനെ പൊലീസ് അറസ്റ്റു ചെയ്തു. ആരോ സ്ഫോടക വസ്തുക്കളുമായി എത്തിയെന്ന റിപ്പോർട്ടിനെത്തുടർന്ന് ഫ്രഞ്ച് പൊലീസ് കോൺസുലേറ്റ് വളയുകയും സുരക്ഷ ഉറപ്പാക്കുകയും ചെയ്തതായി അധികൃതരെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്തിരുന്നു. ഇതിന് പിന്നാലെയാണ് അറസ്റ്റ് റിപ്പോർട്ടും വരുന്നത്. ഇയാളിൽ നിന്നും സ്‌ഫോടക വസ്തു കിട്ടിയില്ലെന്നും റിപ്പോർട്ടുകളുണ്ട്.

കോൺസുലേറ്റിന് ചുറ്റുമുള്ള പ്രദേശങ്ങൾ അടച്ച് സുരക്ഷയ്ക്കായി പൊലീസിനെ വിന്യസിച്ചിട്ടുണ്ട്. സമീപമുള്ള രണ്ട് മെട്രോ ലൈനുകളിൽ ഗതാഗതം താൽക്കാലികമായി നിർത്തിവയ്ക്കുക ആയിരുന്നു. അജ്ഞാതൻ സ്‌ഫോടകവസ്തുവുമായി ഉള്ളിൽ പ്രവേശിച്ചത് ഒരു വ്യക്തി കണ്ടതായാണ് വിവരം. ഇതോടെയാണ് പരിശോധന നടന്നതും ഇയാളെ അറസ്റ്റ് ചെയ്തതും. അറസ്റ്റിലായ ആളിന്റെ പേര് പുറത്തു വിട്ടിട്ടില്ല.