ഡബ്ലിൻ: ദോഹയിൽ നിന്ന് അയർലൻഡിലെ ഡബ്ലിനിലേക്ക് പോയ വിമാനം ആകാശചുഴിയിൽപ്പെട്ട് 12 പേർക്ക് പരുക്ക്. ഖത്തർ എയർവേയ്‌സിന്റെ ക്യുആർ 017 എന്ന ബോയിങ് 787 ഡ്രീംലൈനർ വിമാനത്തിലാണ് സംഭവം. ആറ് യാത്രക്കാർക്കും ആറ് ജീവനക്കാർക്കും പരുക്കേറ്റതായി ഡബ്ലിൻ എയർപോർട്ട് എക്‌സിലൂടെ അറിയിച്ചു. തുർക്കിക്ക് മുകളിലൂടെ പോകുമ്പോഴാണ് സംഭവം. വിമാനം സുരക്ഷിതമായി ലാൻഡ് ചെയ്തെന്നും അധികൃതർ അറിയിച്ചു.