കണ്ണൂരിൽ നാളെ റെഡ് അലർട്ട്; വാക്‌സിനേഷൻ ഉണ്ടാവില്ലെന്ന് ജില്ലാ ഭരണകൂടം; രജിസ്റ്റർ ചെയ്തവർക്ക് തിങ്കളാഴ്ച വാക്‌സിൻ നൽകും

കണ്ണൂർ: കനത്തമഴയെ തുടർന്ന് നാളെ റെഡ് അലർട്ട് പ്രഖ്യാപിച്ച കണ്ണൂർ ജില്ലയിൽ നാളെ വാക്സിനേഷൻ ഉണ്ടാവില്ലെന്ന് ജില്ലാ ഭരണകൂടം. വാക്സിനായി നാളെ രജിസ്റ്റർ ചെയ്തവർക്ക് തിങ്കളാഴ്ച നൽകുമെന്നും ജില്ലാ ഭരണകൂടം അറിയിച്ചു.

ചുഴലിക്കാറ്റിന്റെ സ്വാധീനഫലമായി വടക്കൻ കേരളത്തിൽ നാളെ അതിശക്തമായ മഴ ലഭിക്കുമെന്നാണ് കാലാവസ്ഥ പ്രവചനം. ഇതിന്റെ അടിസ്ഥാനത്തിൽ കോഴിക്കോട്്, വയനാട്, കണ്ണൂർ, കാസർകോട്, മലപ്പുറം ജില്ലകളിൽ നാളെ റെഡ്് അലർട്ട്് പ്രഖ്യാപിച്ചിട്ടുണ്ട്. ഈ പശ്ചാത്തലത്തിലാണ് നാളെ നടക്കേണ്ട വാക്സിനേഷൻ തിങ്കളാഴ്ചത്തേയ്ക്ക് മാറ്റിയത്. നാളെ വാക്സിനായി രജിസ്റ്റർ ചെയ്്തവർക്ക് തിങ്കളാഴ്ച വാക്സിൻ നൽകുമെന്ന് ജില്ലാ ഭരണകൂടം അറിയിച്ചു.