നോർക്ക റൂട്ട്സിന്റെ സഹകരണത്തോടെ ഐസിടി അക്കാദമി മൈക്രോ സ്‌കിൽസ് പ്രോഗ്രാം ഒരുക്കുന്നു

തിരുവനന്തപുരം: നോർക്ക റൂട്ട്സിന്റെ സഹകരണത്തോടെ ഐസിടി അക്കാദമി മൈക്രോ സ്‌കിൽസ് പ്രോഗ്രാം സംഘടിപ്പിക്കുന്നു. ഡാറ്റാ വിശ്വലൈസേഷൻ യൂസിങ് ടാബ്ലോ, സോഷ്യൽ മീഡിയ മാർക്കറ്റിങ് ആൻഡ് എസ്ഇഒ, മെഷീൻ ലേണിങ്/ ആർട്ടിഫിഷ്യൽ ഇന്റലിജൻസ്, ഫ്രണ്ട് എൻഡ് ആപ്ലിക്കേഷൻ ഡെവലപ്മെന്റ് വിത്ത് ആംഗുലർ, ആർപിഎ യൂസിങ് യുഐ പാത്ത് എന്നീ കോഴ്സുകളാണ് മൈക്രോ സ്‌കിൽസ് പ്രോഗ്രാമിൽ നൽകുന്നത്.

ഒരു മാസമാണ് കോഴ്സ് കാലാവധി. ബിരുദധാരികൾ, ബിരുദ പഠനം നടത്തുന്നവർ എന്നിവർക്ക് കോഴ്സുകളിലേക്ക് അപേക്ഷിക്കാം. കോഴ്സുകളിലേക്ക് പ്രവേശനം നേടുന്ന പ്രവാസി വിദ്യാർത്ഥികൾക്ക് ഫീസിന്റെ 75% വരെ നോർക്ക റൂട്ട്സ് സ്‌കോളർഷിപ്പ് അനുവദിക്കും. കോഴ്സിന് ചേരാൻ ആഗ്രഹിക്കുന്നവർ https://ictkerala.org വെബ്സൈറ്റിൽ ഫെബ്രുവരി 25-ന് മുമ്പ് രജിസ്റ്റർ ചെയ്യേണ്ടതാണ്. വിവരങ്ങൾക്ക് 8078102119 എന്ന നമ്പറിൽ ബന്ധപ്പെടാം.