ന്യൂയോർക്ക്: നോർത്ത് അമേരിക്കയിലെ പ്രവാസജീവിതത്തിൽ വ്യക്തിപരമായ നേട്ടങ്ങൾ കൈവരിച്ചതിനു പുറമെ സമൂഹത്തിൽ വഴിവിളക്കായി പ്രകാശം പരത്തിയ ഒമ്പതുപേരെ പ്രവാസി ചാനലിന്റെ നോർത്ത് അമേരിക്കൻ മലയാളി ഓഫ് ദി ഇയറിന് വേണ്ടി തുടങ്ങിയ ഓൺലൈൻ വോടിങ്ങിന്റെ ആദ്യ ഫലങ്ങൾ ശനിയാഴ്ച 12 മണിക്കുള്ള പ്രവാസി ചാനൽ ന്യൂസ് വഴി അറിയിക്കുന്നതും പിന്നീട് എല്ലാ മാദ്ധ്യമങ്ങളിലൂടെയും അറിയിക്കുന്നതുമാണ്.  എല്ലാ ഫൈനലിസ്റ്റുകളേയും നാമിയുടെ ന്യൂ യോര്കിൽ നടക്കുന്ന ചടങ്ങിൽ പ്രത്യേകം പുരസ്‌കാരം നൽകി ആദരിക്കുന്നതുമാണ്.

ഫോമാ പ്രസിഡന്റ് ആനന്ദൻ നിരവേൽ, റോക്ക്‌ലാന്റ് കൗണ്ടി ലെജിസ്ലേറ്റർ ഡോ. ആനി പോൾ, ഫൊക്കാനാ പ്രസിഡന്റ് ജോൺ പി. ജോൺ, ഫൊക്കാന മുൻ പ്രസിഡന്റ് മറിയാമ്മ പിള്ള, നാടകാചാര്യൻ പി.ടി ചാക്കോ മലേഷ്യ, ആദ്യകാല സംഘടനാ നേതാവ് ടി.എസ്. ചാക്കോ, ഭിഷഗ്വരനും, മെഡിക്കൽ ലോകം ടിവി വഴിയും വാർത്തകൾ വഴിയും സാധാരണ ജനങ്ങളിലെത്തിക്കുന്ന ഡോ. റോയി പി. തോമസ്, എഫ്.ഐഎ, എൻ.എഫ്.ഐ.എ, ഗോപിയോ എന്നിവയുടെയെല്ലാം സ്ഥാപൻ ഡോ. തോമസ് ഏബ്രഹാം എന്നിവരെയാണ് അവാർഡ് നിർണ്ണയ കമ്മിറ്റി നോമിനേറ്റ് ചെയ്തത്.

അർഹരായ ഒട്ടേറെ പേർ നമ്മുടെ സമൂഹത്തിലുണ്ടെന്ന് അവാർഡ് കമ്മിറ്റി വിലയിരുത്തി. വരും വർഷങ്ങളിൽ അവരേയും പരിഗണിക്കും. അമേരിക്കൻ മലയാളി സമൂഹത്തിനു വ്യത്യസ്തമായ മേഖലകളിൽ തനതായ സംഭാവനകൾ അർപ്പിച്ചിട്ടുള്ളവരാണ് എല്ലാവരും. അവാർഡ് ജേതാവിനെ തെരഞ്ഞെടുക്കാൻ ലോകത്തെവിടെന്നും വോട്ട് ചെയ്യാനുള്ള സംവിധാനമാണ് പ്രവാസി ചാനൽ നല്കുന്നത്.  പ്രവാസി ചാനൽ ഡോട്ട് കോം എന്ന വെബ്‌സൈറ്റ് വഴി നിമിഷങ്ങൽക്കുള്ളിൽ വോട്ട് ചെയ്യനുള്ള വളരെ ലളിതമായ സംവിധാനമാണ് ഒരുക്കിയിരിക്കുന്നത്.

ശനിയാഴ്ചത്തെ പ്രവാസി ചാനൽ ന്യൂസ് 12 മണിക്ക് കാണുക. ലൊകമെമ്പാട് നിന്നും പ്രവാസി ചാനൽ കാണാനുള്ള വിപുലമായ ടെക്‌നോളജിയും നേരത്തെ തയ്യാറാക്കിയതായി ഇതിന്റെ സംഘാടകർ പറഞ്ഞു. ഏകദേശം മൂന്നു മാസം ഓൺലൈൻ വോട്ടിങ്ങിനുള്ള സംവിധാനം ഉണ്ടായിരിക്കുന്നതാണ്. ജൂലൈ മാസത്തിൽ ന്യൂയോർക്കിൽ വച്ച് നടക്കുന്ന ഒരു പരിപാടിയിൽ വച്ച് അവാർഡ് ജേതാവിനെയും മറ്റു നോമിനികളെയും ആദരിക്കുന്നതായിരിക്കും.  മലയാള സിനിമയിലെയും, കേരള രാഷ്ട്രീയത്തിലെയും അതികായർ, കൂടാതെ അമേരിക്കൻ  രാഷ്ട്രീയ രംഗത്തെയും പ്രമുഖർ പങ്കെടുക്കുന്ന വേദിയിലായിരിക്കും അവാർഡ് നൽകുക.

ഇതിന്റെ സുഗമമായ നടത്തിപ്പിനായി ഒരു അഡൈ്വസറി കമ്മറ്റിയും രൂപീകരിച്ചിട്ടുണ്ട്, അവരായിരിക്കും ഇതിന്റെ ഫൈനൽ തീരുമാനങ്ങൾ എടുക്കുക.  സുതാര്യമായ നിബന്ധനകളിലൂടെ മാത്രമായിരിക്കും ഇത് നടത്തുക. 'നോർത്ത് അമേരിക്കൻ മലയാളി ഓഫ് ദി ഇയർ 2015' 'NAMY'യെക്കുറിച്ച് കൂടുതൽ അറിയുവാൻ പ്രവാസി ചാനലിന്റെ നമ്പറിൽ വിളിക്കുക. അല്ലെങ്കിൽ ഇമെയിൽ : namy@pravasichannel.com, worldwide viewing via www.pravasichannel.com