ന്യൂയോർക്ക്: നോർത്ത് അമേരിക്കൻ മലയാളീ ഓഫ് ദി ഇയർ ഓൺലൈൻ വോട്ടിങ്ങിന്റെ ആദ്യഫലങ്ങൾ പ്രഖ്യാപിച്ചു. കാനഡയിൽ  നിന്നുള്ള  ഫോക്കാന പ്രസിഡന്റ് ജോൺ പി. ജോൺ 35% വോട്ടുമായി മുന്നേറുമ്പോൾ തൊട്ടു പുറകിൽ ഫോമാ പ്രസിഡന്റ് ആനന്ദൻ നിരവേൽ 21% വോട്ടുമായി രണ്ടാം സ്ഥാനത്തും 12% വോട്ടുമായി ആദ്യകാല സംഘടനാ നേതാവ് ടി. എസ്.ചാക്കോ മൂന്നാം സ്ഥാനത്തും മുന്നേറുന്നു.  ജൂലൈ 11 വരെയാണ് ഓൺലൈൻ വോടിങ്. ഒരു നാമി മാത്രമേ ഉള്ളെങ്കിലും എല്ലാ നോമിനീകളെയും അവാർഡ് ദാന ചടങ്ങിൽ  ആദരിക്കുന്നതാണ്.

റോക്ക്‌ലാന്റ് കൗണ്ടി ലെജിസ്ലേറ്റർ ഡോ. ആനി പോളിനും, ഭിഷഗ്വരനും, മെഡിക്കൽ ലോകം ടിവി വഴിയും വാർത്തകൾ വഴിയും സാധാരണ ജനങ്ങളിലെത്തിക്കുന്ന ഡോ. റോയി പി. തോമസിനും  ഒപ്പത്തിനൊപ്പം  9% വോട്ടും ലഭിച്ചു.  ഫൊക്കാന മുൻ പ്രസിഡന്റ് മറിയാമ്മ പിള്ള 7%, നാടകാചാര്യൻ പി.ടി ചാക്കോ മലേഷ്യക്ക് 5%,  എഫ്.ഐഎ, എൻ.എഫ്.ഐ.എ, ഗോപിയോ എന്നിവയുടെയെല്ലാം സ്ഥാപൻ ഡോ. തോമസ് ഏബ്രഹാം 1%, വാഷിങ്ങ്ടനിലെ നാഷണൽ സംഘടനകളുടെ നേതാവായ ഡോ.  പിള്ളക്ക് 1% എന്നീ നിലയിലാണ് വോട്ടുകൾ ലഭിച്ചത്.

നോർത്ത് അമേരിക്കയിലെ പ്രവാസജീവിതത്തിൽ വ്യക്തിപരമായ നേട്ടങ്ങൾ കൈവരിച്ചതിനു പുറമെ സമൂഹത്തിൽ വഴിവിളക്കായി പ്രകാശം പരത്തിയ ഒമ്പതുപേരെയാണ് പ്രവാസി ചാനൽ നാമിയിലെക്ക് നോമിനേറ്റ് ചെയ്തത്. അർഹരായ ഒട്ടേറെ പേർ നമ്മുടെ സമൂഹത്തിലുണ്ടെന്ന് അവാർഡ് കമ്മിറ്റി വിലയിരുത്തി. വരും വർഷങ്ങളിൽ അവരേയും പരിഗണിക്കും. അമേരിക്കൻ മലയാളി സമൂഹത്തിനു വ്യത്യസ്തമായ മേഖലകളിൽ തനതായ സംഭാവനകൾ അർപ്പിച്ചിട്ടുള്ളവരാണ് എല്ലാവരും. അവാർഡ് ജേതാവിനെ തെരഞ്ഞെടുക്കാൻ ലോകത്തെവിടെന്നും വോട്ട് ചെയ്യാനുള്ള സംവിധാനമാണ് പ്രവാസി ചാനൽ നല്കുന്നത്.  പ്രവാസി ചാനൽ ഡോട്ട് കോം എന്ന വെബ്‌സൈറ്റ് വഴി നിമിഷങ്ങൽക്കുള്ളിൽ വോട്ട് ചെയ്യനുള്ള വളരെ ലളിതമായ സംവിധാനമാണ് ഒരുക്കിയിരിക്കുന്നത്.

ഇനിയും അടുത്ത രണ്ടാഴ്ചകൾക്ക് ശേഷം വീണ്ടും ഫല പ്രഖ്യാപനം നടത്തുന്നതായിരിക്കും.  ഏകദേശം മൂന്നു മാസം ഓൺലൈൻ വോട്ടിങ്ങിനുള്ള സംവിധാനം ഉണ്ടായിരിക്കുന്നതാണ്. ജൂലൈ മാസത്തിൽ ന്യൂ യോര്കിൽ വച്ച് നടക്കുന്ന ഒരു പരിപാടിയിൽ വച്ച് അവാർഡ് ജേതാവിനെയും മറ്റു നോമിനീകളെയും ആദരിക്കുന്നതായിരിക്കും.  മലയാള സിനിമയിലെയും, കേരള രാഷ്ട്രീയത്തിലെയും അതികായർ, കൂടാതെ അമേരിക്കൻ  രാഷ്ട്രീയ രംഗത്തെയും പ്രമുഖർ പങ്കെടുക്കുന്ന വേദിയിലായിരിക്കും അവാർഡ് നൽകുക.

'നോർത്ത് അമേരിക്കൻ മലയാളി ഓഫ് ദി ഇയർ 2015' 'NAMY' യെക്കുറിച്ച് കൂടുതൽ അറിയുവാൻ പ്രവാസി ചാനലിന്റെ നമ്പറിൽ വിളിക്കുക  19083455983. അല്ലെങ്കിൽ ഇമെയിൽ : namy@pravasichannel.com