ദുബൈ: ഒരുപാടു കാലത്തിനു ശേഷം റിസർവ്വ് ബാങ്ക് പുതിയ രൂപത്തിലും ഭാവത്തിലും പുറത്തിറക്കിയ അമ്പതു രൂപ നോട്ടും ഇരുന്നൂർ രൂപ നോട്ടും പ്രവാസലോകത്ത് ആദ്യമായി സ്വന്തമാക്കി പ്രവാസി മലയാളി. ദുബൈയിൽ ജോലി ചെയ്യുന്ന കോഴിക്കോട് സ്വദേശി എം.കെ ലത്തീഫാണ് റിസർവ്വ് ബാങ്കിൽനിന്ന് നേരിട്ട് കറൻസികൾ സ്വന്തമാക്കിയത്.2017ൽ ഇറങ്ങിയ പുതിയ അഞ്ഞൂറ് രൂപയുടെയും 2016ൽ ഇറങ്ങിയ രണ്ടായിരം രൂപയുടെയും 2015ൽ ഇറങ്ങിയ ഒരു രൂപയുടെയും നോട്ടുകൾ ഇറങ്ങിയ ദിവസം തന്നെ സ്വന്തമാക്കി വാർത്തയിൽ ഇടം നേടിയ വ്യക്തിയാണ് ലത്തീഫ്.

2017 ഓഗസ്റ്റ് ഇരുപതിയഞ്ചിന് ഔപചാരികമായി പുറത്തിറക്കിയ നോട്ടുകളിൽ ഗവർണർ ഊർജിത് പട്ടേലിന്റെ കൈയൊപ്പാണ് ഉള്ളത്. അറുപത്തിയാറ് മില്ലി മീറ്റർ വീതിയും നൂറ്റി മുപ്പത്തിയഞ്ച് മില്ലിമീറ്റർ നീളവുമാണ് പുതിയ അമ്പതു രൂപയുടെ വലിപ്പം. മഹാത്മാഗാന്ധി സീരിയലിലുള്ള അമ്പതു രൂപയുടെ മറുവശം കർണാടകയിലെ ഹംബി കൾച്ചറൽ ഹെറിറ്റേജിന്റെ ചിത്രമാണ് ഉള്ളത്. ഇതിൽ ദേവഗിരി ലിപിയിലും അക്കം രേഖപ്പെടുത്തിയിട്ടുണ്ട്. കൂടാതെ മാക്രോ ലെറ്ററിൽ ആർ.ബി.ഐ എന്നും സെക്യൂരിറ്റി ത്രെഡിൽ ആർ.ബി.ഐ ഇന്ത്യ എന്നും ഉണ്ട്.സ്വച്ച് ഭാരതി ലോഗോയും വിവിധ സംസ്ഥാനങ്ങളുടെ പതിനഞ്ചോളം ഭാഷയിൽ അക്കം രേഖപ്പെടുത്തിയ പുതിയ അമ്പതു രൂപ നോട്ട് മെട്രോ നഗരങ്ങളിൽ എത്തിയ ശേഷം മാത്രമേ കേരളം പോലുള്ള സംസ്ഥാനങ്ങളിൽ എത്തുകയുള്ളൂ. പുതിയ ഇരുന്നൂർ രൂപ നോട്ടുകൾ ഈ ആഴ്‌ച്ച തന്നെ എല്ലാ ബാങ്കുകളിലും എത്തിത്തുടങ്ങും.

പ്രവാസ ലോകത്തെ തിരക്ക് പിടിച്ച ജീവിതത്തിൽനിന്ന് ഒരു മാറ്റം എന്ന നിലയിലാണ് ലത്തീഫ് നോട്ടു ശേഖരണം ഒരു ഹോബിയക്കിയത്. 2015ൽ ഇറങ്ങിയ ഒരു രൂപ നോട്ട് ആദ്യം സ്വന്തമാക്കിയ മലയാളികൂടിയാണ് ലത്തീഫ്.ഇന്നും ഈ ഒരു രൂപ നോട്ട് മാർക്കറ്റിലും ബാങ്കുകളിലും വളരെ അപ്പൂർവ്വമായാണ് കാണപ്പെടുന്നത്.

ഇരിന്നൂറു രൂപയുടെ നോട്ടിന്റെ വലിപ്പം അറുപത്തിയാറ് മില്ലിമീറ്റർ വീതിയും നൂറ്റി നാൽപ്പത്തിയാറു മില്ലിമീറ്റർ നീളവുമാണ്. ഇളം മഞ്ഞ നിറത്തിലുള്ള നോട്ടിൽ അശോക ചക്ക്രത്തിന് പുറമേ സാക്ഷിസ്തൂപ മോണട്രമന്റിന്റെ ചിത്രവും,പ്രധാനമന്ത്രിയുടെ സ്വച്ച് ഭാരതി പദ്ധതിയുടെ ലോഗോയും ഉണ്ട്.ധനകാര്യ മന്ത്രാലയവുമായി ആലോചിച്ചു കഴിഞ്ഞ മാർച്ചിലാണ് ഇരുന്നൂർ രൂപ നോട്ടുകൾ ഇറക്കാൻ റിസർവ്വ് ബാങ്ക് തീരുമാനിച്ചത്.

വിശിഷ്ട ദിവസങ്ങളിൽ ഗവണ്മെന്റ് ഇറക്കുന്ന ആയിരം രൂപയുടെയും അഞ്ഞൂറ് രൂപയുടെയും നാണയങ്ങൾ റിസർവ്വ് ബാങ്കിൽ നിന്നും ലത്തീഫ് സ്വന്തമാക്കിയിട്ടുണ്ട്.കൂടാതെ ദുബായ് ഗവണ്മെന്റ് പുറത്തിറക്കിയ നൂറ് ദിർഹത്തിന്റെ കോയിൻ ദുബൈ റിസർവ്വ് ബാങ്കിൽ നിന്നും ലത്തീഫ് ശേഖരിച്ചിട്ടുണ്ട്.പുതുതായി നിയമിതനായ ഇന്ത്യൻ പ്രസിഡന്റിന്റെ ജന്മദിന അക്കമുള്ള നോട്ടുകൾ ശേഖരിച്ചു അദ്ദേഹത്തിനു സമ്മാനിക്കാനുള്ള തയ്യാറെടുപ്പിലാണ് ലത്തീഫ്.

എല്ലാ രാജ്യങ്ങളുടെയും പുതിയതും പഴയതുമായ എല്ലാ കറൻസികളും ലത്തീഫിന്റെ ശേഖരണത്തിൽ ഉണ്ട്.പ്രശസ്തരുടെ ജനന തിയ്യതി ഇന്ത്യൻ രൂപയിലെ സീരിയൽ നമ്പരുമായി ബന്ധിപ്പിച്ച് നോട്ടുകൾ ശേഖരിക്കുന്ന ലത്തീഫ് ഇതിനോടകം പ്രധാനമന്ത്രി ഉൾപ്പടെ പ്രമുഖർക്കെല്ലാം ജന്മദിന നോട്ടുകൾ സമ്മാനിച്ചിട്ടുണ്ട്. പ്രശസ്ത വ്യെക്തികളുടെ എല്ലാം ജന്മദിന നോട്ടുകൾ ശേഖരിച്ച് ആൽബമായി സൂക്ഷിക്കുന്ന ലത്തീഫ് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ ഫ്രെയിം ചെയ്ത ജന്മദിന നോട്ടുകൾ അദ്ദേഹത്തിന് കൊടുക്കാൻ ഒരവസരത്തിന് വേണ്ടി കത്ത് നിൽകുകയാണ്. ദുബൈയിലെ ദേര നൈഫിൽ ബിസിനസ് ചെയ്യുന്ന ലത്തീഫ് കഴിഞ്ഞ മുപ്പത് വർഷമായി ദുബൈയിൽ ഉണ്ട്.