ന്യൂയോർക്ക്: ന്യൂയോർക്ക് യൂണിവേഴ്സിറ്റി പ്രൊഫസർ ശ്രുതി നായ്ക്കിന് ലൈഫ് സയൻസ് വിഭാഗത്തിൽ നടത്തിയ ഗവേഷണത്തിന് ബ്ലുവന്റിക്ക് ഫാമിലി ഫൗണ്ടേഷൻ ആൻഡ് ന്യൂയോർക്ക് അക്കാദമി ഓഫ് സയൻസ് അവാർഡ് ലഭിച്ചു.

5 യുവ ശാസ്ത്രജ്ഞർക്ക് സെപ്റ്റംബർ 5 ന് പ്രഖ്യാപിച്ച അവാർഡ് ജേതാക്കളിലാണ് ശ്രുതി നായ്ക്ക്, പ്രിയങ്ക ശർമ എന്നിവർ ഉൾപ്പെട്ടിരിക്കുന്നത്. ശ്രുതിക്ക് ലൈഫ് സയൻസ് വിഭാഗത്തിലും, ശർമക്ക് കെമിസ്ട്രി വിഭാഗത്തിലുമാണ് അവാർഡ്.

സീനിയർ ശാസ്ത്രജ്ഞർ ഉൾപ്പെടുന്ന ജൂറിയാണ് വിജയികളെ തിരഞ്ഞെടുത്തത്. വിജയികൾക്ക് 30000 ഡോളറാണ് അവാർഡ് തുകയായി ലഭിക്കുക.ഇരുപത്തി രണ്ട് അക്കാദമിക്ക് ഇൻസ്റ്റിറ്റിയൂഷനുകളിൽ നിന്നും 125 നോമിനേഷനുകളാണ് അവാർഡിനായി പരിഗണിച്ചത്.സ്‌ക്കിൻ സ്റ്റെംസെല്ലിനെ കുറിച്ചുള്ള ഗവേഷണമാണ് ശ്രുതിയെ അവാർഡിനർഹയാക്കിയത്.

ന്യൂയോർക്ക് അക്കാദമിക്ക് ഓഫ് സയൻസ് 15ാംമത് വാർഷികത്തോടനുബന്ധിച്ച് ന്യൂയോർക്ക് കോൺറാഡ് ഹോട്ടലിൽ നവംബർ 5 ന് നടക്കുന്ന ചടങ്ങിൽ അവാർഡ് ദാനം നിർവ്വഹിക്കും