പിക്കപ്പ് വാൻ ബൈക്കിലിടിച്ച് മുൻ ഫുട്‌ബോൾ താരം മരിച്ചു; മരണമടഞ്ഞത് കോഴിക്കോട് സ്വദേശി ഇസ്ഹാം മിഷാബ്

കോഴിക്കോട്: പിക്കപ്പ് വാൻ ബൈക്കിലിടിച്ച് മുൻ ഫുട്‌ബോൾ താരം മരിച്ചു. ഫ്രാൻസിസ് റോഡ് തോട്ടൂളിപാടം 'ദാറുൽ ഹസ'യിൽ ഇസ്ഹാം മിഷാബ് (45) ആണ് മരിച്ചത്. എണ്ണ പലഹാര ബിസിനസ് നടത്തുന്ന മിഷാബ് നടക്കാവിൽ നിന്ന് സാധനങ്ങളുമായി ബേപ്പൂർ ഭാഗത്തേക്ക് പോകുന്നതിനിടക്കാണ് അപകടമുണ്ടായത്.

എം എം ഹൈസ്‌ക്കുളിന് 1997-98 വർഷം സുബ്രദോ മുഖർജി കപ്പ് സ്‌ക്കൂളിന് നേടിക്കൊടുത്ത ടീമിന്റ സുപ്രധാന കളിക്കാരനായിരുന്ന ഇസ്ഹാം മിഷാബ് അക്കാലത്തെ മികച്ച ഫുട്‌ബോൾ താരമായിരുന്നു. ഗുരുവായൂരപ്പൻ കോളേജ് ടീമിന് വേണ്ടിയും കേരള ജുനിയർ ടീമിന് വേണ്ടിയും ജേഴ്‌സി അണിഞ്ഞു.

കേരള ടീമിനെ പ്രതിനിധീകരിച്ച് ബിഹാറിൽ നടന്ന ഇന്റർ‌സ്റ്റേറ്റ് സ്‌ക്കുൾ ടൂർണ്ണമെന്റിലും കളിച്ചിരുന്നു. പരപ്പിൽ ശാദുലിപ്പള്ളി മുഅദ്ദിനായിരുന്ന ഉമ്മറിന്റെയും റുഖിയയുടെയും മകനാണ്. ഭാര്യ: റൂബീന. മകൾ: അസ റുഖിയ. സഹോദരങ്ങൾ: എഞ്ചി. ഇക്‌ബാൽ (ഓവർസീയർ, കോഴിക്കോട് കോർപ്പറേഷൻ), ഇസ്ഹാക്ക്, അസിബിയ, ഇസ്മായിൽ, ഇർഷാദ്, ഹസീ