കോതമംഗലത്ത് കോളേജ് ബസിലെ ഡ്രൈവർ ജോലി സ്ഥലത്ത് കുഴഞ്ഞ് വീണ് മരിച്ചു; മരണമടഞ്ഞത് 32 കാരൻ

കോതമംഗലം: കോളേജ് ബസിലെ ഡ്രൈവർ ജോലി സ്ഥലത്ത് കുഴഞ്ഞ് വീണ് മരിച്ചു. നെല്ലിമറ്റം എം ബിറ്റ്‌സ് എഞ്ചിനിയറിംങ്ങ് കോളജ് ബസ് ഡ്രൈവർ നെ ല്ലിമറ്റം കോളനിപ്പടി തേളായി കാസിമിന്റെ മകൻ.ഷാമോൻ കാസിം (32) ആണ് മരണപ്പെട്ടത്.

രാവിലത്തെ ട്രിപ്പിന് ശേഷം ബസ് ക്ലീൻ ചെയ്യവെ കോളജിൽ വച്ച് നെഞ്ച് വേദന അനുഭവപ്പെടുകയും കുഴഞ്ഞുവീഴുകയുമായിരുന്നു. ഉടൻ കോതമംഗലത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഭാര്യ ഷെറിന ആയക്കാട് തൈക്കാവും പടി കാരയിൽ കുടുംബാംഗം .മക്കൾ സിഫ്‌ന (8) ഷിഫാൻ (5) .സംസ്‌കാരം നടത്തി. കഴിഞ്ഞ പഞ്ചായത്ത് തിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി മത്സരിച്ചിരുന്നു.