ദമ്മാം: ഓ ഐ സി സി ദമ്മാം റീജിണൽ കമ്മറ്റി നേതാക്കൾ കിഴക്കൻ പ്രവിശ്യയിൽ എത്തിയ മുസ്ലിം ലീഗ് സംസ്ഥാന അദ്ധ്യക്ഷൻ പണക്കാട്ട് ഹൈദരലി ശിഹാബ് തങ്ങളെ സന്ദർശിച്ചു. ഹയർ സെക്കണ്ടറി അദ്ധ്യാപകർ മാർച്ച് ഏപ്രിൽ മാസങ്ങളിൽ വിദേശയാത്ര നടത്തുന്നത് നിരോധിച്ചുകൊണ്ടുള്ള സർക്കുലർ പിൻ വലിക്കുവാൻ വേണ്ട നടപടികൾ കൈകൊള്ള ണം എന്ന് ഓ ഐ സി സി ദമ്മാം റീജിണൽ കമ്മറ്റി നേതാക്കൾ മുസ്ലിം ലീഗ് സംസ്ഥാന പ്രസിഡണ്ട് പണക്കാട്ട് ഹൈദരലി ശിഹാബ് തങ്ങളെ നേരിൽ കണ്ട് അഭ്യർത്തിച്ചു.

പരീക്ഷ ചുമതലകളുടെ പേരിൽ അശാസ്ത്രീയമായ ഈ തീരുമാനം അടിച്ചേൽപ്പിക്കാൻ ശ്രമിക്കുന്നത് കുടുംബത്തോടൊപ്പം വർഷത്തിൽ രണ്ടുമാസം കഴിയാൻ അവസരം ലഭിക്കുന്ന സാധാരക്കാരായ പ്രവാസികളുടെ മാനസിക നിലയെ തന്നെ തകരാറിലാ ക്കുമെന്ന് ഓ ഐ സി സി നേതാക്കൾ സംസ്ഥാന മുസ്ലിം ലീഗ് അധ്യക്ഷന്റെ ശ്രദ്ധയിൽ പെടുത്തി. വിദ്യഭ്യാസ വകുപ്പ് മന്ത്രി യോട് ഈ വിഷയത്തിൽ ഇടപ്പെട്ടു അടിയന്തിര നടപടികൾ സ്വീകരിക്കുവാൻ ആവിശ്യ പെടുമെന്ന് ഹൈദരലി ശിഹാബ് തങ്ങൾ ഓ ഐ സി സി നേതാക്കൾക്ക് ഉറപ്പു നല്കി.

കരിപ്പൂർ വിമാനതാവളത്തിൽ ഏർപ്പെടുത്തുന്ന യാത്രനിയന്ത്രണം വളരെയേറെ ബുദ്ധിമുട്ടുകൾ സൃഷ്ടിക്കുമെന്നും , സ്‌കൂൾ അവധിക്കാലം , റമദാൻ നോയമ്പ് എന്നിവ അടുത്തുവരുന്ന ഈ സമയത്ത് യാത്രക്കാർക്ക് ബുദ്ധിമുട്ട് സൃഷ്ടിക്കുന്ന തീരുമാനങ്ങൾ എടുക്കുന്നതിൽ നിന്നും വിമാനത്താവള അധികൃതരെ വിലക്കണമെന്നും ഓ ഐ സി സി നേതാക്കൾ അഭ്യർത്തിച്ചു. ഓ ഐ സി സി ചൂണ്ടികാണിച്ച രണ്ടു വിഷയങ്ങളിലും ഇടപെടുമെന്നും അവയ്ക്ക് പരിഹാരം ഉണ്ടാക്കുവാൻ വേണ്ട നടപടികൾ കൈകൊള്ളുമെന്നും പാണക്കാട് ഹൈദരലി ശിഹാബ് തങ്ങളും ഒടാപെക് ചെയർമാൻ കെ പി മുഹമ്മദ് കുട്ടിയും ഓ ഐ ഐ സി പ്രതിനിധി സംഘത്തിനു ഉറപ്പു നല്കി.

ഓ ഐ സി സി നേതാക്കളുമായി വിവിധ പ്രവാസി വിഷയങ്ങൾ ഒടാപെക് ചെയർമാൻ മുഹമ്മദ് കുട്ടി ചർച്ച നടത്തി. റിക്രൂട്ടിങ് മേഖലയിലെ ചൂഷണം അവസാനിപ്പിക്കുന്നതിനുവേണ്ടി ഒടാപെക് പലവിദ്ധ പദ്ധതികളും ആവിഷ്‌കരിച്ചു വരുന്നതായും ആദ്യഘട്ടം എന്ന നിലയിൽ സൗദി അറേബ്യയ യിലേക്കുള്ള വിവധ സർക്കാർ ഹോസ്പിറ്റലു കളിലേ ക്കുള്ള റിക്രൂട്ട് മെന്റ് ഒടാപെക് ആരംഭിച്ചതായും , നൂറുശതമാനം സൗജന്യമായി ആണ് ഈ സേവനം നൽകുന്നതെന്നും ചെയർമാൻ കെ പി മുഹമ്മദ് കുട്ടി ഓ ഐ സി സി നേതാക്കളെ അറിയിച്ചു. കേരളത്തിലെ മതേതരത്വം നിലനിർത്താൻ പാണക്കാട് കുടുംബം നല്കുന്ന സംഭാവനകൾ വിലമതിക്കാൻ കഴിയാത്താതാണെന്നും അതിനു കേരളീയ സമൂഹത്തിന്റെ പേരിൽ നന്ദി അറിയിക്കുന്നതായും ഓ ഐ സി സി ദമ്മാം റീജിണൽ കമ്മറ്റി പ്രസിഡണ്ട് ബിജു കല്ലുമല പണക്കാട്ട് ഹൈദരലി ശിഹാബ് തങ്ങളെ അറിയിച്ചു .

ഓ ഐ സി സി ദമ്മാം റീജിണൽ കമ്മറ്റിക്കുവേണ്ടി ബിജു കല്ലുമല സംസ്ഥാന മുസ്ലിം ലീഗ് പ്രസിഡണ്ട് നെ ഷാൾ അണിയിച്ചു സ്വീകരിച്ചു. റീജിണൽ പ്രസിഡണ്ട് ബിജു കല്ലുമല, ഓ ഐ സി സി നാഷണൽ കമ്മിറ്റി അംഗം പി എം നജീബ്, റീജിണൽ സെക്രെട്ടറി സക്കീർ ഹുസൈൻ, സന്തോഷ് തിരുവനന്തപുരം എന്നിവർ അടങ്ങിയ പ്രതിനിധി സംഘം ആണ് പാണക്കാട് തങ്ങളെ സന്ദർശിച്ചത്.