ദമ്മാം: ഓ ഐ സി സി ദമ്മാം തൃശൂർ ജില്ലാ കമ്മറ്റി യുടെ വാർഷിക ആഘോഷങ്ങളിൽ പങ്കെടുക്കുന്നതിനുവേണ്ടി കെ പി സി സി ജനറൽ സെക്രെട്ടറി വി ബാലറാം, തൃശൂർ ഡിസിസി ജനറൽ സെക്രെട്ടറി സി എ സെബാസ്‌റ്യൻ എന്നിവർ വ്യാഴാഴ്ച രാവിലെ ദമ്മാമിൽ എത്തും.

വ്യാഴാഴ്ച വൈകുന്നേരം അൽ കോബാർ ക്ലാസിക് ഹോട്ടലിൽ നടക്കുന്ന ഓ ഐ സി സി തൃശൂർ ജില്ലാ കമ്മിറ്റി കുടുംബ സംഗമത്തിലും, വെള്ളിയാഴ്ച ബദർ അൽറാബിയിൽ നടക്കുന്ന ജില്ലാ സമ്മേളനത്തിലും വി ബലറാം, സി എ സെബാസ്‌റ്യൻ എന്നിവർ പങ്കെടുക്കും.

ജില്ലാ കമ്മിറ്റി പ്രസിഡണ്ട് ഷാജി മോഹൻ അധ്യക്ഷത വഹിക്കും.കെ പി സി സി നേതാക്കൾക്ക് ഓ ഐ സി സി സി ജില്ലാകമ്മറ്റി ഉജ്ജലമായ വരവേൽപ്പ് നൽകുമെന്ന് റീജിണൽ കമ്മിറ്റി പ്രസിഡണ്ട് ബിജു കല്ലുമല അറിയിച്ചു .