ദമ്മാം: വാഹനാപകടത്തിൽ പെട്ട് അരയ്ക്കു താഴ്‌വശം തളർന്ന ഒൻപതാം ക്ലാസ് വിദ്യാർത്ഥി മയ്യിൽ കാര്യമ്പറാമ്പ് സ്വദേശി ഷാമിൽ ഒകെയ്ക്ക് ഒഐസിസി ദമ്മാം റീജിയൻ കണ്ണൂർ ജില്ലാകമ്മറ്റി ധനസഹായം നൽകി. ഒഐസിസി റീജിണൽ കമ്മിറ്റി പ്രസിഡണ്ട് ബിജു കല്ലുമലയിൽ കണ്ണൂർ ജില്ലാ കമ്മറ്റി പ്രസിഡണ്ട് വേണുഗോപാൽ തളിപ്പറമ്പ് അൻപതിനായിരം രൂപയുടെ ചെക്ക് ഏറ്റുവാങ്ങി.

വേണു ഗോപാലിന്റെ അധ്യക്ഷതയിൽ ചേർന്ന ജില്ലാ കമ്മറ്റി യോഗം ബിജു കല്ലുമല ഉദ്ഘാടനം ചെയ്തു. മുസ്തഫ നണിയൂർ നംബ്രം സ്വാഗതവും സാജിദ് നന്ദിയും പറഞ്ഞു. ബിജു കണ്ണൂർ, ഉത്തമൻ, നാരായണൻ, മായൻ, പ്രസാദ് വാഴയിൽ, രാജേഷ് പയ്യന്നൂർ, പി പി ഫാറൂക്ക്, സമീർ എന്നിവർ യോഗത്തിൽ ആശംസകൾ അർപ്പിച്ചു. ജീവ കാരുണ്യ പ്രവർത്തങ്ങൾ സജീവമാക്കുവാനും, തെരഞ്ഞെടുപ്പു പ്രചാരണ പരിപാടികളിൽ സജീവമായി ഇടപെടുവാനും കണ്ണൂർ ജില്ലാ കമ്മറ്റി തീരുമാനിച്ചു.