ദമ്മാം : പുതു തലമുറ ആടിയും പാടിയും പരസ്പരം പരിചയം പുതുക്കിയും ഒത്തു ചേർന്നപ്പോൾ അത് നവ്യാനുഭവമായി. ഓ ഐ സീ സീ ദമ്മാം റീജണൽ ബാലജനവേദി സംഘടിപ്പിച്ച 'ബാലജന സംഗമം' ആണ് കുട്ടികൾക്കും മുതിർന്നവർക്കും ഒരുപോലെ ആഹ്ലാദമായത്.

കുട്ടികൾ അവർക്ക് ഇഷ്ട്ടപ്പെട്ട ദേശിയ നേതാവിനെക്കുറിച്ചു വളരെ ആഴത്തിൽ സംസാരിച്ചത് ഏവരിലും അത്ഭുതം ഉളവാക്കി. പാട്ടുകളും, തമാശകളും, കവിതകളും, കടംകഥകളും, സ്വയംപരിചയപ്പെടുത്തലുകളുമായി വ്യത്യസ്ത അന്തരീക്ഷത്തിൽ നടന്ന ബാലജന സംഗമം , ഏവർക്കും വേറിട്ട അനുഭവമായി മാറി.

സംഗമം ഓ ഐ സീ സീ ദമ്മാം റീജണൽ കമ്മിറ്റി പ്രസിഡണ്ട് ബിജു കല്ലുമല ഉത്ഘാടനം ചെയ്തു. ബാലജനവേദി കൺവീനർ അൻസാർ ആദിക്കാട് അധ്യക്ഷൻ ആയിരുന്നു. ചന്ദ്ര മോഹൻ , അബ്ബാസ് തറയിൽ എന്നിവർ ആശംസകൾ അർപ്പിച്ചു. ഓ ഐ സീ സീ റീജണൽ ജനറൽ സെക്രട്ടറി ഷിഹാബ് കായംകുളം സ്വാഗതവും തോമസ് തൈപ്പറമ്പിൽ നന്ദിയും പറഞ്ഞു.