ദമ്മാം:  ഒഐസിസി ദമ്മാം റീജണൽ കമ്മിറ്റിയുടെ വാർഷികാഘോഷം വിപുലമായ പരിപാടികളോടെ അഞ്ചിന് വെള്ളിയാഴ്ച നടത്തുന്നു. വൈകുന്നേരം 4.30ന് ദമ്മാം ടൊയോട്ട മുഹമ്മദിയയിലുള്ള ക്രിസ്റ്റൽ ഹാളിലാണ് പരിപാടികൾ നടക്കുക. മുൻ മന്ത്രിയും ലോക്‌സഭാ കോൺഗ്രസ് ചീഫ് വിപ്പുമായ കെ സി വേണുഗോപാൽ എംപി മുഖ്യാതിഥിയായിരിക്കും.

ദമ്മാം, അൽഖോബാർ, ജുബൈൽ, റഹീമ, അൽ ഹസ്സ മേഖലകളിലായി ഏരിയ കമ്മിറ്റികളും വിവിധ ജില്ലാ കമ്മിറ്റികളും വനിതാ വേദി യൂത്ത് വിങ്, ജവഹർ ബാലജനവേദി എന്നീ പോഷക ഘടങ്ങളും ദമ്മാം റീജണൽ കമ്മിറ്റിക്കുണ്ട്.