ദമ്മാം:  മലയാളികൾ ഉൾപ്പെടെയുള്ള പ്രവാസികൾക്ക് സംരക്ഷണം നൽകുന്ന പോറ്റമ്മയായ സൗദി അറേബ്യയുടെ പുരോഗതിക്കായി പ്രവാസി സമൂഹം കഠിന പ്രയത്‌നം ചെയ്യണമെന്നും മാതൃ രാജ്യത്തെപോലെ ഈ രാജ്യത്തെയും ഭരണാധികാരികളെയും സ്‌നേഹിക്കുകയും ബഹുമാനിക്കുകയും ചെയ്യണമെന്നും ഓ ഐ സി സി ദമ്മാം റീജിണൽ കമ്മിറ്റി പ്രസിഡണ്ട് ബിജു കല്ലുമല അഭിപ്രായപെട്ടു. രാജ്യ പുരോഗതിക്കുവേണ്ടി അക്ഷീണം പ്രയത്‌നിക്കുന്ന തിരുഗേഹങ്ങളുടെ സേവകൻ സൽമാൻ രാജാവിന് ആയുസും ആരോഗ്യവും നൽകുവാൻ പ്രാർത്ഥിക്കുന്നതായും  സുരക്ഷിതമായി ജോലി ചെയ്യുവാൻ അവസരം നൽകുന്ന സൗദി പൗരന്മാർക്ക്  പ്രവാസി സമൂഹത്തിന്റെ പേരിൽ നന്ദി പറയുന്നതായും ബിജു കല്ലുമല പറഞ്ഞു.  ഓ ഐ സി സി ദമ്മാം തൃശൂർ ജില്ലാ കമ്മിറ്റി സംഘടിപ്പിച്ച സൗദി ദേശീയ ദിനാഘോഷം ഉത്ഘാടനം ചെയ്തു സംസാരിക്കുകയായിരുന്നു ബിജു കല്ലുമല.

ഓ ഐ സി സി സൗദി ദേശീയ പ്രസിഡണ്ട് പി എം നജീബ് മുഖാതിധി ആയിരുന്നു .ജില്ലാ പ്രസിഡണ്ട് ഇ എം ഷാജിമോഹൻ അധ്യക്ഷത വഹിച്ച യോഗത്തിൽ ബൈജു കുട്ടനാട്, സക്കീർ ഹുസൈൻ,ഷണ്മുഖൻ, ഡമിനി ,ഇബ്രാഹിം, കൃഷ്ണദാസ്, അഡ്വ .ഇസ്മയിൽ, നിഷാൽ എന്നിവർ ആശംസകൾ നേർന്നു.  ഹമീദ് കണിചാട്ടിൽ സ്വാഗതവും ജയപ്രകാശ് നന്ദിയും പറഞ്ഞു.ഓ ഐ സി സി പ്രവർത്തകർ കേക്ക് മുറിച്ചു ദേശീയദിന സന്തോഷം പങ്കുവച്ചു .