പൊലീസ് ഉദ്യോഗസ്ഥന്റെ വാഹനമിടിച്ച് പരിക്കേറ്റ് ചികിത്സയിലായിരുന്ന വയോധികൻ മരിച്ചു

പാലക്കാട്: പൊലീസ് ഉദ്യോഗസ്ഥന്റെ വാഹനമിടിച്ച് പരിക്കേറ്റ് ചികിത്സയിൽ കഴിഞ്ഞിരുന്ന വയോധികൻ മരിച്ചു. വടക്കന്തറ സ്വദേശി അബ്ദുൾ വഹാബാണ് മരിച്ചത്. ഓഗസ്റ്റ് 14നാണ് പാലക്കാട് വടക്കന്തറയിൽ വച്ചാണ് അപകടം സംഭവിച്ചത്.

അപകടത്തിൽ ഗുരുതരമായി പരിക്കേറ്റ അബ്ദുൾ വഹാബ് കോയമ്പത്തൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. മലമ്പുഴ സ്റ്റേഷനിലെ എഎസ്‌ഐ ഗിരീഷിന്റെ കാറിടിച്ചാണ് അപകടമുണ്ടായത്. സംഭവത്തിൽ പൊലീസുകാരനെതിരെ കേസെടുത്തിരുന്നു.