ന്യൂഡൽഹി: കിഷൻഗഡ് മലയാളി അസോസിയേഷന്റെ ആഭിമുഖ്യത്തിൽ ഒക്‌ടോബർ രണ്ടിന് ഓണാഘോഷവും ഗാന്ധിജയന്തിയും സംഘടിപ്പിച്ചു.

പ്രസിഡന്റ് കെ. കലേഷ് അധ്യക്ഷത വഹിച്ച പൊതുസമ്മേളനം കിഷൻഗഡ് എംസിഡി കൗൺസിലർ കുസുമം ഖാതി ഉദ്ഘാടനം ചെയ്തു. ദീപിക ഡൽഹി ബ്യൂറോ ചീഫ് ജോർജ് കള്ളിവയലിൽ മുഖ്യപ്രഭാഷണം നടത്തി. മുൻ കൗൺസിലർ നരേന്ദ്രന് ഖാതി, ഡോ. സിമി ജോസഫ്, സജി ജോൺ, അനീഷ് കളപുരയ്ക്കൽ, സിറിയക് ജോൺ, ഡോ. സീന സരസ്വതി, പയസ് എം. ജോൺ, ജെ. ഉദയകുമാർ, മാത്യൂസ് പി. സാബൂസ് തുടങ്ങിയവർ സംസാരിച്ചു.
സജി മുളയ്ക്കൽ സ്വാഗതവും ബൈജു കുര്യാക്കോസ് നന്ദിയും പറഞ്ഞു.

തുടർന്നു കുട്ടികളുടെയും മുതിർന്നവരുടെയും വിവിധ കലാമത്സരങ്ങൾ അരങ്ങേറി. മത്സര വിജയികൾക്ക് ട്രോഫികൾ സമ്മാനിച്ചു. തൃശൂർ ഗിന്നസ് ട്രൂപ്പിന്റെ കോമഡി ഷോയും ഗാനമേളയും അരങ്ങേറി.

റിപ്പോർട്ട്: റെജി നെല്ലിക്കുന്നത്ത്