കാൽഗറി: ഓർഗനൈസഷൻ ഓഫ് ഹിന്ദു മലയാളീസ് (OHM) കാൽഗരിയുടെ നേതൃത്വത്തിൽ ഓണാഘോഷം വിപുലമായി നടത്തി.കോവിഡ് 19 പ്രത്യേക സാഹചര്യത്തിൽ സാംസ്‌കാരിക പരിപാടികൾ ഓൺലൈൻ സംവിധാനത്തിലും, ഓണസദ്യ പ്രത്യേക കിറ്റുകളിലാക്കി വീടുകളിൽ എത്തിച്ചു നൽകുന്നതിനുമുള്ള സംവിധാനവും ഒരുക്കിയിരുന്നു.

ആഘോഷങ്ങളും, സദ്യയുടെ വിതരണവും ഈ പ്രത്യേക സാഹചര്യത്തിൽ വേറിട്ടതും വ്യത്യസ്തമായ അനുഭവമായി മാറി. ഓണപൂക്കളത്തിന്റെ പശ്ചാത്തലത്തിൽ ഓൺലൈനിൽ വിരുന്നെത്തിയ മഹാബലിയും, പുലികളിയുടെ ചെണ്ടമേളപ്പെരുമയും, കുട്ടികളുടെ വിവിധ ഓണപ്പാട്ടുകളും, മുതിർന്നവർ സദസ്സിനു നൽകിയ സംഗീത വിരുന്നും ആസ്വാദകർക്ക് വേറിട്ട ഒരു ഓണാഘോഷ വിരുന്നായി മാറി.

ഓണാഘോഷത്തിന്റെ കേരളീയ തനിമയും , പാരമ്പര്യവും വിളിച്ചോതുന്നതായിരുന്നു ആഘോഷങ്ങൾ എന്ന് പരിപാടിയിൽ പങ്കെടുത്തവർ അഭിപ്രായപ്പെട്ടു. ഓണാഘോഷത്തിന്റെ വിജയത്തിനായി പ്രവർത്തിച്ച എല്ലാ കുടുംബാംഗങ്ങൾക്കും, പങ്കെടുത്തവർക്കും ഛഒങ ഭാരവാഹികൾ പ്രത്യേകം നന്ദി അറിയിച്ചു.

 

 

കാൽഗറി ഓർഗനൈസഷൻ ഓഫ് ഹിന്ദു മലയാളീസ്