ഓക്‌ലാൻഡ്: ഓക്‌ലാൻഡ് മലയാളി സമാജത്തിന്റെ ഈ വർഷത്തെ ഓണാഘോഷം 30ന് അരങ്ങേറും. പൊന്നോണം 14 എന്നു പേരിട്ടിരിക്കുന്ന ആഘോഷപരിപാടികൾ ഓക്‌ലാൻഡിലെ മഹാത്മാഗാന്ധി സെന്ററിലാണ് (145, New North Load,Eden Terrace, Auckland) നടക്കുന്നത്.

വൈകുന്നേരം അഞ്ചിന് വിഭവസമൃദ്ധമായ ഓണസദ്യയോടെയാണ് പരിപാടി ആരംഭിക്കുന്നത്. ശേഷം ചെണ്ടമേളത്തിന്റെ അകമ്പടിയോടെ മാവേലി മന്നന്റെ എഴുന്നള്ളത്ത് നടക്കും. തുടർന്ന് ഓണസന്ദേശവും ഓണാഘോഷ പരിപാടികളുടെ ഉദ്ഘാടനവും സമാജത്തിന്റെ വാർഷിക പ്രസിദ്ധീകരണമായ ദർപ്പണം 2014 മാസികയുടെ പ്രകാശനവും നടക്കും. കലോത്സവ വിജയികൾക്കുള്ള സമ്മാനദാനവും തദവസരത്തിൽ ഉണ്ടായിരിക്കും.

തുടർന്ന് വൈവിധ്യമേറിയ കലാപരിപാടികൾ അരങ്ങേറും. ഈ പൊന്നോണം നാം ഒന്നിച്ച് എന്ന ഈ വർഷത്തെ സന്ദേശം ഉൾക്കൊണ്ടുകൊണ്ട് കുട്ടികൾക്കും മുതിർന്നവർക്കും ഓണാഘോഷങ്ങളുടെ ഭാഗമാക്കാൻ അവസരം നൽകിക്കൊണ്ടുള്ള ആഘോഷപരിപാടിയാണ് സമാജം ഇത്തവണ ആസൂത്രണം ചെയ്തിരിക്കുന്നതെന്ന് ഭാരവാഹികൾ അറിയിച്ചു.