ന്യൂജേഴ്‌സിയിൽ മലയാളി സംഘടനകൾക്ക് ഒരുമയുടെ ഓണാഘോഷം; മഞ്ച്, കെസിഎഫ്, നാമം സംഘടനകൾ സംയുക്ത ഓണാഘോഷത്തിന്
ന്യൂജേഴ്‌സിയിലെ മലയാളികൾക്ക് ഇത്തവണ ഓണാഘോഷത്തിന് അപൂർവമായ ഓണവിരുന്ന്. മഞ്ച്, കെസിഎഫ്, നാമം തുടങ്ങിയ സംഘടനകൾ കൈകോർത്തിണക്കി അതിവിപുലമായ ഓണാഘോഷ പരിപാടികൾ സംഘടിപ്പിക്കാനാണ് ഒരുങ്ങുന്നത്. ന്യൂജേഴ്‌സിയിൽ ഇതാദ്യമായാണ് ഇത്തരത്തിൽ വ്യത്യസ്തമായ ഓണാഘോഷ പരിപാടി സംഘടിപ്പിക്കുന്നത്. കൂടുതൽ സംഘടനകൾ ഈ ആശയത്തോട് താത്പര്യം പ്രകടിപ്പിക്കുന്നുണ്ടെന്ന് ഈ ആശയം കൊണ്ടുവന്ന മഞ്ച് പ്രസിഡന്റ് സജിമോൻ ആന്റണി അറിയിച്ചു. ഓണം സൗഹാർദ്ദത്തിന്റെയും സ്‌നേഹത്തിന്റെയും സഹോദര്യത്തിന്റെയും ഓർമ ആചരിക്കുന്ന ദിനമാണ്. നൂറ്റാണ്ടുകൾക്ക് മുമ്പ് കള്ളവും ചതിയും ഇല്ലാതിരുന്ന കാലത്ത് കേരള ജനതയുടെ രാജാവായ മഹാബലി തമ്പുരാന്റെ ഓർമ ആചരിക്കുന്ന ദിനം. വർത്തമാന കാലത്ത് ഓണത്തിന്റെ പ്രസക്തി ജന്മനാടായ കേരളത്തിൽ നശിച്ചുകൊണ്ടിരിക്കുമ്പോൾ പ്രവാസിമേഖലയിൽ പ്രത്യേകിച്ച് അമേരിക്കയിൽ മലയാളികൾക്കിടയിൽ ഗൃഹാതുരതയുടെ മധുരിക്കുന്ന ഓർമകളാണ് ഓണം നല്കുന്നത്. നമ്മുടെ നാട്ടിലെ ഓണാഘോഷങ്ങൾ പ്ലാസ്റ്റിക് പാത്രങ്ങളിൽ ഒതുങ്ങുമ്പോൾ ഇവിടെ വടംവലിയും വഞ്ചിപ്പാട്ടും തിരുവാതിര
ന്യൂജേഴ്‌സിയിലെ മലയാളികൾക്ക് ഇത്തവണ ഓണാഘോഷത്തിന് അപൂർവമായ ഓണവിരുന്ന്. മഞ്ച്, കെസിഎഫ്, നാമം തുടങ്ങിയ സംഘടനകൾ കൈകോർത്തിണക്കി അതിവിപുലമായ ഓണാഘോഷ പരിപാടികൾ സംഘടിപ്പിക്കാനാണ് ഒരുങ്ങുന്നത്.
ന്യൂജേഴ്‌സിയിൽ ഇതാദ്യമായാണ് ഇത്തരത്തിൽ വ്യത്യസ്തമായ ഓണാഘോഷ പരിപാടി സംഘടിപ്പിക്കുന്നത്. കൂടുതൽ സംഘടനകൾ ഈ ആശയത്തോട് താത്പര്യം പ്രകടിപ്പിക്കുന്നുണ്ടെന്ന് ഈ ആശയം കൊണ്ടുവന്ന മഞ്ച് പ്രസിഡന്റ് സജിമോൻ ആന്റണി അറിയിച്ചു.
ഓണം സൗഹാർദ്ദത്തിന്റെയും സ്‌നേഹത്തിന്റെയും സഹോദര്യത്തിന്റെയും ഓർമ ആചരിക്കുന്ന ദിനമാണ്. നൂറ്റാണ്ടുകൾക്ക് മുമ്പ് കള്ളവും ചതിയും ഇല്ലാതിരുന്ന കാലത്ത് കേരള ജനതയുടെ രാജാവായ മഹാബലി തമ്പുരാന്റെ ഓർമ ആചരിക്കുന്ന ദിനം.
വർത്തമാന കാലത്ത് ഓണത്തിന്റെ പ്രസക്തി ജന്മനാടായ കേരളത്തിൽ നശിച്ചുകൊണ്ടിരിക്കുമ്പോൾ പ്രവാസിമേഖലയിൽ പ്രത്യേകിച്ച് അമേരിക്കയിൽ മലയാളികൾക്കിടയിൽ ഗൃഹാതുരതയുടെ മധുരിക്കുന്ന ഓർമകളാണ് ഓണം നല്കുന്നത്. നമ്മുടെ നാട്ടിലെ ഓണാഘോഷങ്ങൾ പ്ലാസ്റ്റിക് പാത്രങ്ങളിൽ ഒതുങ്ങുമ്പോൾ ഇവിടെ വടംവലിയും വഞ്ചിപ്പാട്ടും തിരുവാതിരകളിയും എല്ലാം ഒത്തിണങ്ങിയ ഓണമാണ്.
എന്നാൽ, സംഘടനകളുടെ ഓണാഘോഷങ്ങൾ ഒരു അതിപ്രസരമായി മാറിയിരിക്കുകയാണ്. ന്യൂജേഴ്‌സിയിൽ മാത്രം കുറഞ്ഞത് ഇരുപത്തഞ്ചിലധികം ഓണാഘോഷങ്ങൾ നടക്കുന്നുണ്ട്. അമ്പലങ്ങൾ, പള്ളികൾ, അസോസിയേഷനുകൾ തുടങ്ങി നിരവധി കൂട്ടായ്മകളാണ് ഓണാഘോഷം സംഘടിപ്പിക്കുന്നത്. പങ്കെടുക്കുന്നവരാകട്ട മിക്കവാറും ഒരേ ആളുകൾതന്നെ. ഈ പ്രശ്‌നം ഒഴിവാക്കാനാണ് മഞ്ച്, കെസിഫ്, നാമം തുടങ്ങിയ സംഘടനകൾ കൈകോർത്ത് ഒരൊറ്റ ഓണം എന്ന ആശയത്തിലേയ്ക്ക് വന്നത്. ഈ ആശയത്തോട് കൂടുതൽ സംഘടനകൾ താത്പര്യം പ്രകടിപ്പിക്കുന്നതായി പല സംഘടനാ നേതാക്കളും അഭിപ്രായപ്പെട്ടു.
മഞ്ച് പ്രസിഡന്റ് മുന്നോട്ടുവച്ച ഈ നിർദ്ദേശത്തെ സെക്രട്ടറി സുജ ജോസ്, ട്രഷറർ പിന്റോ ചാക്കോ, ബോർഡ് ഓഫ് ട്രസ്റ്റി ചെയർമാൻ ഷാജി വർഗീസ്, വൈസ് പ്രസിഡന്റ് ഉമ്മൻ ചാക്കോ എന്നിവർ അടങ്ങിയ കമ്മിറ്റി ഐകകണ്‌ഠേന സ്വീകരിച്ചു. എല്ലാ സംഘടനകളും ഒരുമിച്ചുള്ള ഓണാഘോഷം എന്ന ആശയത്തോട് കെസിഎഫ് പ്രസിഡന്റ് ദാസ് കണ്ണംകുഴി, കെസിഎഫ് മുൻ പ്രസിഡന്റ് ജോയി ചാക്കപ്പൻ, കെസിഎഫ് സ്ഥാപക ചെയർമാൻ ടി.എസ്. ചാക്കോ എന്നിവരടങ്ങിയ കെസിഎഫ് കമ്മിറ്റിയും നാമം പ്രസിഡന്റ് ഗീതേഷ് തമ്പി, നാമം സ്ഥാപക ചെയർമാൻ മാധവൻ നായർ എന്നിവരടങ്ങിയ നാമം കമ്മിറ്റിയും പരിപൂർണ യോജിപ്പ് പ്രകടിപ്പിച്ചു. വരുംവർഷങ്ങളിൽ കൂടുതൽ സംഘടനകളെയും കൂടുതൽ ആളുകളെയും പങ്കെടുപ്പിച്ചുകൊണ്ട് അതിവിപുലമായ ഓണാഘോഷ പരിപാടികൾ ഒരുമയോടെ നടത്താൻ കഴിയുമെന്നും അവർ അഭിപ്രായപ്പെട്ടു.
ഒരുമയുടെയും സൗഹാദ്ദത്തിന്റെയും സ്‌നേഹത്തിന്റെയും പ്രതീകമായ ഓണാഘോഷം എല്ലാ സംഘടനകളുമായി സഹകരിച്ച് ആഘോഷിക്കുന്നത് മറ്റ് സംഘടനകൾക്ക് മാതൃകയും എല്ലാ മലയാളികളും ഒരുമിച്ച് ഓണാഘോഷം എന്ന ആശയം ഭാവിയിൽ നൂറുശതമാനം പ്രാവർത്തികമാവുകയും ചെയ്യുമെന്ന് പ്രത്യാശിക്കുന്നതായി മഞ്ച് കമ്മിറ്റി അഭിപ്രായപ്പെട്ടു.
