ഓൺലൈൻ ക്ലാസിനിടയിൽ അദ്ധ്യാപികമാർക്ക് മുന്നിൽ നഗ്‌നതാ പ്രദർശനം; ഒൻപതാം ക്ലാസ് വിദ്യാർത്ഥിയെ കസ്റ്റഡിയിൽ എടുത്തു

മുംബൈ: ഓൺലൈൻ ക്ലാസിനിടയിൽ അദ്ധ്യാപികമാർക്ക് മുന്നിൽ നഗ്‌നതാപ്രദർശനം നടത്തിയ ഒൻപതാം ക്ലാസ് വിദ്യാർത്ഥിയെ കസ്റ്റഡിയിൽ എടുത്തു. രാജസ്ഥാനിൽ നിന്നുള്ള പതിനഞ്ചുകാരനായ വിദ്യാർത്ഥിക്കെതിരെയാണ് നടപടി.

പല തവണ വിദ്യാർത്ഥി ഇത് ആവർത്തിക്കുകയും ചെയ്തു. ഓൺലൈൻ ഇ-കോഡിങ് ക്ലാസിനിടയിലാണ് കുട്ടിയുടെ ഈ ചേഷ്ടകൾ അദ്ധ്യാപകർ കാണേണ്ടി വന്നത്. ഒടുവിൽ ക്ലാസ്സ് അവസാനിപ്പിക്കാമെന്നു തീരുമാനമായി. എന്നാൽ, പൊലീസിനെ സമീപിക്കാൻ തീരുമാനിക്കുകയായിരുന്നു ഒടുവിൽ.

കുട്ടിയെ അന്വേഷിച്ച് പൊലീസ് രാജസ്ഥാനിലെത്തിയപ്പോൾ വിദ്യാർത്ഥി മറ്റൊരു സ്ഥലത്തേക്ക് മാറിയിരുന്നു. ഐപി അഡ്രസ് ട്രാക്ക് ചെയ്യാതിരിക്കാനുള്ള സംവിധാനങ്ങൾ വിദ്യാർത്ഥിയുടെ ലാപ്ടോപ്പിലുണ്ടായിരുന്നതായി പൊലീസ് പറഞ്ഞു. മെയ് 30ന് വീണ്ടും കുട്ടി നഗ്‌നതാ പ്രദർശനം അവർത്തിച്ചതോടെ പൊലീസ് സ്ഥലം തിരിച്ചറിയുകയും കസ്റ്റഡിയിൽ എടുക്കുകയുമായിരുന്നു. ചോദ്യം ചെയ്യലിൽ തമാശയ്ക്കായി ചെയ്തതാണിതെന്നാണ് വിദ്യാർത്ഥി പറഞ്ഞത്.