ന്യൂഡൽഹി: ഭൂമി ഏറ്റെടുക്കൽ ബിൽ നിയമഭേദഗതി തള്ളിക്കളയണമെന്നാവശ്യപ്പെട്ടു പ്രതിപക്ഷ എംപിമാർ രാഷ്ട്രപതിക്കു നിവേദനം നൽകി. പാർലമെന്റിൽ നിന്നു കോൺഗ്രസ് അധ്യക്ഷ സോണിയ ഗാന്ധിയുടെ നേതൃത്വത്തിൽ രാഷ്ട്രപതി ഭവനിലേക്കു പ്രതിഷേധ മാർച്ച് നടത്തിയ ശേഷമാണു പ്രതിപക്ഷ എംപിമാർ രാഷ്ട്രപതിയെ കണ്ടത്. സോണിയ ഗാന്ധി നേതൃത്വം നല്കിയ മാർച്ചിൽ സിപിഐ(എം), സിപിഐ, സമാജ്‌വാദി പാർട്ടി, തൃണമൂൽ കോൺഗ്രസ് തുടങ്ങിയ കക്ഷികളിലെ എംപിമാർ പങ്കെടുത്തു.