മലയാളി പ്രേക്ഷകർ ആകാംഷയോടെ കാത്തിരിക്കുന്ന ചിത്രമാണ് ജൂഡ് ആന്റണി ജോസഫ് സംവിധാനം നിർവഹിച്ച 'ഒരു മുത്തശ്ശി ഗദ. ചിത്രത്തിന്റെ ട്രൈലെർ റിലീസ് ചെയ്ത ഒരു ദിവസത്തിനുള്ളിൽ തന്നെ ഒരു ലക്ഷത്തിലധികം വ്യൂസ് നേടിയിരിക്കുകയാണ്. അജു വർഗ്ഗീസ് ചിത്രത്തെ നൂതന രീതിയിൽ പരിചയപ്പെടുത്തുന്ന ഈ വീഡിയോക്ക് സോഷ്യൽ മീഡിയയിലും നല്ല അഭിപ്രായങ്ങളാണ് ലഭിച്ചിരിക്കുന്നത്. ട്രെലെർ ഇപ്പോൾ 1,50,000 അധികം വ്യൂസ് നേടിക്കഴിഞ്ഞു

ജൂഡ് ആന്റണി ജോസഫ് തന്നെയാണ് തിരക്കഥയും സംഭാഷണവും ഒരുക്കിയിരിക്കുന്നത്. സുരാജ് വെഞ്ഞാറമൂട്, ലെന, രജനി ചാണ്ടി, ഭാഗ്യലക്ഷ്മി, അപർണ്ണ ബാലമുരളി, അപ്പു, രാജീവ് പിള്ള, വിജയരാഘവൻ, രഞ്ജി പണിക്കർ, ലാൽ ജോസ്, വിനീത് ശ്രീനിവാസൻ തുടങ്ങിയവർ ഈ ചിത്രത്തിൽ അഭിനയിച്ചിട്ടുണ്ട്. ഛായാഗ്രഹണം വിനോദ് ഇല്ലമ്പള്ളിയും ചിത്രസംയോജനം ലിജോ പോളുമാണ് നിർവഹിച്ചിരിക്കുന്നത്. ഗാനങ്ങളും പശ്ചാത്തലസംഗീതവും ഷാൻ റഹ്മാന്റേതാണ്. Muzik247 (മ്യൂസിക്247)നാണ് ഒഫീഷ്യൽ മ്യൂസിക് ലേബൽ. E4 Entertainment (ഇ ഫോർ എന്റർടെയിന്മെന്റ്)ന്റെ ബാനറിൽ മുകേഷ് ആർ മേത്ത നിർമ്മിച്ച 'ഒരു മുത്തശ്ശി ഗദ' സെപ്റ്റംബർ 15ന് തീയേറ്ററുകളിലെത്തും.