പ്ലെയിനോ; മലങ്കര ഓർത്തഡോക്സ് സഭയുടെ സൗത്ത് വെസ്റ്റ് ഭദ്രാസനത്തിൽ ഉൾപ്പെട്ട പ്ലെയിനോ സെന്റ് പോൾസ് ഓർത്തഡോക്സ് പള്ളിയിലെ ഒ.വി.ബി.എസ് ഓഗസ്റ്റ് 17 വ്യാഴാഴ്ച മുതൽ 20 ഞായറാഴ്ച വരെ വിപുലമായ പരിപാടികളോടെ നടത്തപ്പെടുന്നു. സൗത്ത് വെസ്റ്റ് ഭദ്രാസനത്തിലെ മാർ ഗ്രിഗോറിയോസ് വിദ്യാർത്ഥി പ്രസ്ഥാനത്തിന്റെ ഡയറക്ടറായി പ്രവർത്തിച്ചു കൊണ്ടിരിക്കുന്ന റവ.ഫാ. ജയിംസ് ചെറിയാൻ ഈവർഷത്തെ ഒ.വി.ബി.എസിനു നേതൃത്വം നൽകും.

'എല്ലാവർക്കും നന്മ ചെയ്യുവിൻ' എന്നതാണ് ഈവർഷത്തെ മുഖ്യചിന്താവിഷയം. ഗാന പരിശീലനം, ബൈബിൾ ക്ലാസുകൾ, ചിത്രരചന, വിവിധ കലാ പരിപാടികൾ എന്നിവ ഉൾക്കൊള്ളിച്ചുകൊണ്ടുള്ളതാണ് ഈവർഷത്തെ ഒ,വി.ബി.എസ്.

20-നു ഞായറാഴ്ച രാവിലെ റവ.ഫാ. ജയിംസ് ചെറിയാൻ വിശുദ്ധ കുർബാന അർപ്പിക്കുന്നതും കുട്ടികളുടെ കലാപരിപാടികളോടെ സമാപിക്കുന്നതുമാണ്. നാനാജാതി മതസ്ഥരായ എല്ലാ വിദ്യാർത്ഥികളേയും സ്വാഗതം ചെയ്യുന്നതായി സംഘാടകർ അറിയിച്ചു. പരിപാടികളുടെ വിജയത്തിനായി വികാരി റവ.ഫാ. ബിനു മാത്യൂസ്, ട്രസ്റ്റി ബിജോയ് ഉമ്മൻ, സെക്രട്ടറി മറിയ മാത്യു, സൺഡേ സ്‌കൂൾ പ്രിൻസിപ്പൽ ലിൻസ് ഫിലിപ്പ് എന്നിവർ പ്രവർത്തിച്ചുവരുന്നു.

രജിസ്ട്രേഷനും മറ്റു കൂടുതൽ വിവരങ്ങൾക്കും ബന്ധപ്പെടുക: ബിജോയി ഉമ്മൻ (214 491 0406), മറിയ മാത്യു (469 565 8030), ലിൻസ് ഫിലിപ്പ് (916 806 9235).