യുഎഇയിൽ ആറു ബ്രാഞ്ചുകൾ ഉള്ള ഇന്ത്യൻ മണി എക്‌സ്‌ചേഞ്ച് കമ്പനി ഉടമ ഇടപാടുകാരിൽ നിന്നുള്ള ലക്ഷങ്ങൾ ശേഖരിച്ച് മുങ്ങി; 1000 മുതൽ 45,000 വരെ ദിർഹം മാറ്റാൻ കൊടുത്തു കുടുങ്ങി പോയവരിൽ നിരവധി മലയാളികളും; രണ്ട് വർഷം മുഴുവൻ ജോലി ചെയ്ത പണം അയച്ച് കുടുങ്ങിയ മലയാളികൾ നെഞ്ചുപൊട്ടി നിലവിളിക്കുന്നു
അബുദാബി: മണലാരണ്യത്തിൽ വിയർപ്പൊഴുക്കി പ്രവാസികളുണ്ടാക്കിയ കോടികളുമായി മണി എക്‌സ്‌ചേഞ്ച് ഉടമ മുങ്ങി. യുഎയിലെ പ്രമുഖ ധനകാര്യ ഇടപാട് സ്ഥാപനമാണ് പ്രവാസികളെ ചതിച്ചത്. ഈ വാർത്ത ഖലീജ് ടൈംസാണ് റിപ്പോർട്ട് ചെയ്തത്. എന്നാൽ ധനകാര്യ പണമിടപാട് സ്ഥാപനത്തെ കുറിച്ചുള്ള മറ്റ് വിവരങ്ങൾ പുറത്തുവിട്ടിട്ടുമില്ല. എ എസ് എന്ന സൂചകമാണ് മുങ്ങിയ ഉടമയുടെ പേരായി നൽകിയിട്ടുള്ളത്. പത്രത്തിലെ വാർത്തയിലെ ചിത്രത്തിലും സ്ഥാപനത്തിന്റെ പേര് മനപ്പൂർവ്വം ഒഴിവാക്കിയിട്ടുണ്ട്. മലയാളികൾ അടക്കമുള്ള നിരവധി പേരുടെ വിയർപ്പുമായാണ് ഉടമ മുങ്ങിയത്. ഇന്ത്യാക്കാരനായ എഎസ് എന്നയാളാണ് ഇടപാടുകാരെ വഞ്ചിച്ച് കടന്നത്. യുഇയിൽ ആറു ശാഖകളാണ് ഈ സ്ഥാപനത്തിനുള്ളത്. മലയാളികൾ അടക്കമുള്ള പ്രവാസികളുടെ സമ്പാദ്യവുമായാണ് കടന്നു കളഞ്ഞത്. ഇയാൾക്കെതിരെ അബുദാബി പൊലീസിൽ ഇടപാടുകാർ പരാതി നൽകി. യുഎഇയിലെ ഇയാളുടെ അറബി സ്‌പോൺസുറും പരാതി നൽകിയിട്ടുണ്ട്. ഇതോടെ പണം നഷ്ടമായവർക്ക് അത് തിരിച്ചു നൽകേണ്ട ബാധ്യത അറബിക്കുമില്ലെന്ന സ്ഥിതി വന്നു. ആയിരം ദിർഹം മുതൽ 45,000 ദിർഹം വരെ ന
അബുദാബി: മണലാരണ്യത്തിൽ വിയർപ്പൊഴുക്കി പ്രവാസികളുണ്ടാക്കിയ കോടികളുമായി മണി എക്‌സ്‌ചേഞ്ച് ഉടമ മുങ്ങി. യുഎയിലെ പ്രമുഖ ധനകാര്യ ഇടപാട് സ്ഥാപനമാണ് പ്രവാസികളെ ചതിച്ചത്. ഈ വാർത്ത ഖലീജ് ടൈംസാണ് റിപ്പോർട്ട് ചെയ്തത്. എന്നാൽ ധനകാര്യ പണമിടപാട് സ്ഥാപനത്തെ കുറിച്ചുള്ള മറ്റ് വിവരങ്ങൾ പുറത്തുവിട്ടിട്ടുമില്ല. എ എസ് എന്ന സൂചകമാണ് മുങ്ങിയ ഉടമയുടെ പേരായി നൽകിയിട്ടുള്ളത്. പത്രത്തിലെ വാർത്തയിലെ ചിത്രത്തിലും സ്ഥാപനത്തിന്റെ പേര് മനപ്പൂർവ്വം ഒഴിവാക്കിയിട്ടുണ്ട്.
മലയാളികൾ അടക്കമുള്ള നിരവധി പേരുടെ വിയർപ്പുമായാണ് ഉടമ മുങ്ങിയത്. ഇന്ത്യാക്കാരനായ എഎസ് എന്നയാളാണ് ഇടപാടുകാരെ വഞ്ചിച്ച് കടന്നത്. യുഇയിൽ ആറു ശാഖകളാണ് ഈ സ്ഥാപനത്തിനുള്ളത്. മലയാളികൾ അടക്കമുള്ള പ്രവാസികളുടെ സമ്പാദ്യവുമായാണ് കടന്നു കളഞ്ഞത്. ഇയാൾക്കെതിരെ അബുദാബി പൊലീസിൽ ഇടപാടുകാർ പരാതി നൽകി. യുഎഇയിലെ ഇയാളുടെ അറബി സ്‌പോൺസുറും പരാതി നൽകിയിട്ടുണ്ട്. ഇതോടെ പണം നഷ്ടമായവർക്ക് അത് തിരിച്ചു നൽകേണ്ട ബാധ്യത അറബിക്കുമില്ലെന്ന സ്ഥിതി വന്നു.
ആയിരം ദിർഹം മുതൽ 45,000 ദിർഹം വരെ നഷ്ടപ്പെട്ട നിരവധി പ്രവാസികളുണ്ട്. വീട്ടിലേക്ക് പണം അയക്കാനായി മണി എക്‌സ്‌ചേഞ്ചിൽ നിക്ഷേപിച്ചവരാണ് കുടുങ്ങിയത്. നിക്ഷേപമായി കരുതിയ പണം വൻ തോതിൽ നാട്ടിലേക്ക് അയക്കാൻ ശ്രമിച്ചവരാണ് തട്ടിപ്പിന് ഇരായി നെട്ടോട്ടമോടുന്നത്. വീടിന്റെ നിർമ്മാണത്തിനായി രണ്ടരലക്ഷത്തോളം രൂപ വീട്ടിലേക്ക് അയത്ത മലയാളി അടക്കമുള്ളവർ പൊലീസിൽ പരാതി നൽകിയിട്ടുണ്ട്. എ എസ് എന്ന പേരിലുള്ള സ്ഥാപനമാണ് പൂട്ടിപോയത്. ഇത് നടത്തിയിരുന്നത് ഇന്ത്യാക്കാരനാണെന്ന് അബുദാബി പൊലീസും വ്യക്തമാക്കി.
ആറു ശാഖകളുള്ള ധനവിനിമയ സ്ഥാപനമാണ് അടച്ചുപൂട്ടിയിരിക്കുന്നത്. മൂന്ന് ബ്രാഞ്ചുകൾ ദുബായിലാണ്. ബുർജുമാൻ, അൽ അത്തർ, കരാമ എന്നിവിടങ്ങളിലാണ് മറ്റ് ബ്രാഞ്ചുകൾ. ലക്ഷങ്ങളുടെ തട്ടിപ്പു നടത്തിയാണ് സ്ഥാപന ഉടമ മുങ്ങിയിരിക്കുതെന്ന് ഇടപാടുകൾ പരാതിപ്പെട്ടു. എല്ലാ ശാഖകളും അടച്ചുപൂട്ടിയിരിക്കുകയാണ്. കഴിഞ്ഞ നാലു ദിവസമായി ഫോൺ വിളിച്ചാൽ ആരും എടുക്കില്ല. ഇതോടെയാണ് പറ്റിക്കപ്പെട്ടെന്ന് മലയാളികൾ അടക്കമുള്ളവർക്ക് വ്യക്തമായത്. പലരും സ്ഥാപനത്തിന് മുമ്പിലെത്തി. ഇതോടെ പണം തട്ടിയെടുത്ത് ഉടമ പിന്മാറിയെന്ന് വ്യക്തമാക്കി.
അബുദാബിയിൽ മുസഫയിലും മദീനത്ത് സയേദ് മേഖലയിലുമുള്ള രണ്ടു ശാഖകൾ 28-ാം തീയതി മുതൽ തുറന്നിട്ടില്ല. ദുബായിൽ ബുർജുമാൻ, അൽ അത്തർ, കരാമ എന്നിവിടങ്ങളിലും ഷാർജയിൽ ഒരിടത്തുമാണ് ഇവർക്കു ശാഖകളുള്ളത്. ചിലയിടങ്ങളിൽ 24-ാം തീയതി മുതൽ തന്നെ ശാഖകൾ പൂട്ടിക്കിടക്കുകയാണ്. മുരുഗൻ എന്നയാൾ 17-ാം തീയതി 17500 ദിർഹം മുസഫ ശാഖയിൽനിന്ന് തമിഴ്‌നാട്ടിലെ സേലം ഫെഡറൽ ബാങ്കിലേക്ക് അയച്ചതാണ്. മൂന്നു ദിവസത്തിനു ശേഷവും പണം ലഭിക്കാതിരുന്നതിനാൽ ശാഖയിലെത്തി അന്വേഷിച്ചു.
സാങ്കേതിക പ്രശ്നങ്ങൾ മൂലമാണ് പണം ലഭിക്കാത്തതെന്നും ഉടൻ ലഭിക്കുമെന്നുമാണ് ജീവനക്കാർ മറുപടി നൽകിയത്. എന്നാൽ പണം ലഭിക്കാത്തതിനെ തുടർന്ന് 24-നു വീണ്ടും ശാഖയിലെത്തിയപ്പോൾ അടച്ചിട്ടിരിക്കുന്നതാണ് കാണാൻ കഴിഞ്ഞത്. ഒരു ജീവനക്കാരൻ പോലും അവിടെ ഉണ്ടായിരുന്നില്ല. കഴിഞ്ഞ പത്തു മാസമായി ഈ കമ്പനി വഴിയാണ് പണം അയച്ചിരുന്നതെന്നും ഒരു തരത്തിലുള്ള സംശയവും തോന്നിയിരുന്നില്ലെന്നും ദുബായ് സ്വദേശി ഷാജഹാൻ പറഞ്ഞു.
കമ്പനിയുടെ യുഎഇ സ്പോൺസർ, ഉടമയ്ക്കെതിരേ പൊലീസിൽ പരാതി നൽകിയിട്ടുണ്ട്. കേന്ദ്ര ബാങ്കിനെ വിവരം അറിയിച്ചുവെന്നും ഇടപാടുകാർക്കു പണം തിരിച്ചു ലഭിക്കുമെന്നും സ്പോൺസർ പറഞ്ഞു. ഉടമയുടെ പാസ്പോർട്ട് തന്റെ പക്കലാണെന്നും രാജ്യത്തിനു പുറത്തുകടക്കാൻ കഴിയാത്ത തരത്തിൽ യാത്രാ നിരോധനം ഏർപ്പെടുത്തിയെന്നും അദ്ദേഹം അറിയിച്ചു.
