മനാമ:  ബഹ്‌റൈൻ സെന്റ് പോൾസ് മാർത്തോമ്മ ഇടവകയുടെ ഇടവകദിനാഘോഷം വെള്ളിയാഴ്ച രാവിലെ എട്ടിനു മുംബൈ ഭദ്രാസനാധ്യക്ഷൻ ഡോ. തോമസ് മാർ തീത്തോസിന്റെ മുഖ്യകാർമികത്വത്തിലുള്ള ശുശ്രൂഷകൾക്കു ശേഷം 10.30 മുതൽ പള്ളിയിൽ നടക്കും. മേൽപ്പട്ട സ്ഥാനം ലഭിച്ച ശേഷം ആദ്യമായി ഇടവക സന്ദർശിക്കുന്ന മാർ തീത്തോസിനുള്ള അനുമോദനയോഗവും ഇതോടനുബന്ധിച്ചു നടക്കും.

ചൊവ്വാഴ്ച മുതൽ വ്യാഴാഴ്ച വരെ വൈകിട്ട് 7.30 മുതൽ പള്ളിയിൽ വാർഷിക കൺവൻഷൻ നടക്കും. ഡോ. തോമസ് മാർ തീത്തോസ് ആണു മുഖ്യ പ്രാസംഗികൻ. വികാരി റവ. ഡോ. ടി.ടി. സഖറിയ, സെക്രട്ടറി ജോസ് ജോർജ്, കൺവീനർ റോയി വർഗീസ് എന്നിവർ നേതൃത്വം നൽകും.