കോളോണിലും ഡസ്സെൽഡോർഫിലും ഇനി പാർക്കിങ് വളരെ എളുപ്പം. റൈൻ മെട്രോപോളീറ്റൻ പ്രദേശത്തെ തിരക്കേറിയ സ്ഥലങ്ങളിലാണ് ഡ്രൈവർമാർക്ക് ഇനി പാർക്കിങ് സ്ഥലങ്ങൾ മുമ്പേ കണ്ടെത്താൻ സംവിധാനം ഒരുങ്ങുന്നത്. ഗൂഗിൾ മാപ്പിന്റെ ആപ്പിനുള്ളിലാണ് പുതിയ സംവിധാനം കൊണ്ടുവരുക.

നിലവിൽ ഈ സംവിധാനം ഉള്ളത് അമേരിക്കയിലെ ചില പ്രദേശങ്ങളിൽ മാത്രമാണ്. കഴിഞ്ഞ ആഗസ്റ്റിൽ ഗൂഗിൾ മറ്റ് 25 ഓളം സിറ്റികളിൽ കൂടി ഈ പാർക്കിങ് ഡിഫിക്കൽറ്റി ഐക്കൺ കൊണ്ടുവരുമെന്ന് പ്രഖ്യാപിച്ചിരുന്നു. കോളോണിനും, ഡസെൽഫോർഡിനും പുറമേ മ്യൂണിച്ച്. സ്റ്റ്ഡ്ഗാർട്ട്, ഡ്രോംസ്റ്റഡ് എന്നിവിടങ്ങളിലും ഈ സംവിധാനം പിന്നാലെ നടപ്പിൽ ആക്കും.

ഈ സംവിധാനത്തിലൂടെ പാർക്ക് ചെയ്യേണ്ട സ്ഥലത്തുള്ള സ്ഥലപരിമിതികൾ നേരത്തെ മനസിലാക്കാൻ സാധിക്കും. കുറച്ച് ദിവസം മുമ്പാണ് ഗൂഗിൾ ഈ സംവിധാനം കൊണ്ട് വന്നിരിക്കുന്നത്. അതുകൊണ്ട് നിങ്ങളുടെ ഫോണിൽ ഈ ആപ്പ് അപ്‌ഡേറ്റ് ചെയ്ത് ഉപയോഗിച്ചാൽ പാർക്കിങ് പ്രശ്‌നങ്ങൾക്ക് പരിഹാരമാകും.