മലയാളി അസോസിയേഷൻ ഓഫ് വിക്ടോറിയ ഓണാഘോഷത്തിൽ പങ്കെടുക്കാൻ പി സി ജോർജ് മെൽബണിൽ എത്തി
മെൽബൺ: 1976 ൽ സ്ഥാപിതമായ ഓസ്‌ട്രേലിയയിലെ ഏറ്റവും പഴക്കം ചെന്ന മലയാളി അസോസിയേഷനുകളിൽ ഒന്നായ മലയാളീ അസോസിയേഷൻ ഓഫ് വിക്ടോറിയ (mav) യുടെ നാൽപ്പതാം വാർഷികത്തിലും ഓണാഘോഷത്തിലും പങ്കെടുക്കുന്നതിനായി പൂഞ്ഞാർ എം എൽ എ പി സി ജോർജ് മെൽബണിൽ എത്തി. മലയാളി അസോസിയേഷൻ ഓഫ് വിക്ടോറിയ ഭാരവാഹികളായ തമ്പി ചെമ്മനം, ഗോപകുമാർ, സജി മുണ്ടാക്കൻ, ജെറി, പ്രതീഷ് എന്നിവർ ചേർന്ന് പി സി ജോർജിന് ഊഷ്മളമായ വരവേൽപ്പ് നൽകി. ശനിയാഴ്ച സ്പ്രിങ് വെയിൽ കമ്മ്യൂണിറ്റി ഹാളിൽ വച്ച് രാവിലെ 10 മുതൽ 6 വരെ ആണ് പരിപാടി. 1976 മുതൽ പ്രവർത്തിച്ച നൂറു കണക്കിന് പ്രവർത്തകർ അസോസിയേഷന്റെ നാൽപ്പതാം പിറന്നാളിൽ പങ്കെടുക്കും. നിലവിൽ ആയിരത്തിനു മുകളിൽ ടിക്കറ്റ് വിറ്റു പോയിട്ടുണ്ട്. Address - 397, Springvale road, Springvale. വളരെ വിപുലമായ പരിപാടികളോടെ ആണ് നാൽപ്പതാം വാർഷികത്തിനും ഓണാഘോഷത്തിനും നടത്തുന്നത്. മെൽബണിലുള്ള എല്ലാ മലയാളികളെയും വാർഷികാഘോഷങ്ങളിലേക്ക് ക്ഷണിക്കുന്നതായി സംഘാടകർ അറിയിച്ചു. പരിപാടികളെ കുറിച്ചുള്ള കൂടുതൽ വിവരങ്ങൾ mav വെബ്സൈറ്റ് ആയwww.m
മെൽബൺ: 1976 ൽ സ്ഥാപിതമായ ഓസ്‌ട്രേലിയയിലെ ഏറ്റവും പഴക്കം ചെന്ന മലയാളി അസോസിയേഷനുകളിൽ ഒന്നായ മലയാളീ അസോസിയേഷൻ ഓഫ് വിക്ടോറിയ (mav) യുടെ നാൽപ്പതാം വാർഷികത്തിലും ഓണാഘോഷത്തിലും പങ്കെടുക്കുന്നതിനായി പൂഞ്ഞാർ എം എൽ എ പി സി ജോർജ് മെൽബണിൽ എത്തി. മലയാളി അസോസിയേഷൻ ഓഫ് വിക്ടോറിയ ഭാരവാഹികളായ തമ്പി ചെമ്മനം, ഗോപകുമാർ, സജി മുണ്ടാക്കൻ, ജെറി, പ്രതീഷ് എന്നിവർ ചേർന്ന് പി സി ജോർജിന് ഊഷ്മളമായ വരവേൽപ്പ് നൽകി.
ശനിയാഴ്ച സ്പ്രിങ് വെയിൽ കമ്മ്യൂണിറ്റി ഹാളിൽ വച്ച് രാവിലെ 10 മുതൽ 6 വരെ ആണ് പരിപാടി. 1976 മുതൽ പ്രവർത്തിച്ച നൂറു കണക്കിന് പ്രവർത്തകർ അസോസിയേഷന്റെ നാൽപ്പതാം പിറന്നാളിൽ പങ്കെടുക്കും. നിലവിൽ ആയിരത്തിനു മുകളിൽ ടിക്കറ്റ് വിറ്റു പോയിട്ടുണ്ട്. Address - 397, Springvale road, Springvale.
വളരെ വിപുലമായ പരിപാടികളോടെ ആണ് നാൽപ്പതാം വാർഷികത്തിനും ഓണാഘോഷത്തിനും നടത്തുന്നത്. മെൽബണിലുള്ള എല്ലാ മലയാളികളെയും വാർഷികാഘോഷങ്ങളിലേക്ക് ക്ഷണിക്കുന്നതായി സംഘാടകർ അറിയിച്ചു. പരിപാടികളെ കുറിച്ചുള്ള കൂടുതൽ വിവരങ്ങൾ mav വെബ്സൈറ്റ് ആയwww.mavaustralia.com.au ഫേസ് ബുക്ക് പേജ്www.facebook.com/malayaleevictoria എന്നിവിടങ്ങളിൽ ലഭ്യമാണ്.
ജയരാജ് വാരിയർ അവതരിപ്പിക്കുന്ന ഒരു മണിക്കൂർ കാരിക്കേച്ചർ ഷോയും പരിപാടിയുടെ പ്രത്യേകത ആണ്. മെൽബണിലെ പരിപാടികൾക്ക് ശേഷം പി സി ജോർജ് സിഡ്‌നിയിലേക്ക് തിരിക്കും. പൂഞ്ഞാർ നിവാസികൾ ആയ 150 ഓളം പേർ പരിപാടിയിൽ ഒരു പ്രത്യേക ബ്ലോക്ക് ആയി ബുക്ക് ചെയ്തു കഴിഞ്ഞു. കേരള പ്രീമിയർ ലീഗ്, ഡോക്ടർ രാമൻ മാരാർ സോക്കർ ടൂർണമെന്റ് എന്നിവയുടെ സമ്മാന വിതരണവും വേദിയിൽ നടക്കും
രാവിലെ പത്തു മണിക്ക് വടം വലി മത്സരം, അത്തപൂക്കളം ഇടൽ. പന്ത്രണ്ട് മണി മുതൽ വിഭവ സമൃദ്ധമായ ഓണ സദ്യ, രണ്ടു മണി മുതൽ നാൽപ്പതാം വാർഷീക ആഘോഷങ്ങളും, ഓണാഘോഷ പരിപാടികളും. കൂടുതൽ വിവരങ്ങൾക്ക് ബന്ധപ്പെദുക thomas vathappally (0412 126 009), saji mundakkan (0435 901 661), sunitha susan (0422 710 415). ഓൺലൈൻ ബുക്കിങ്ങിനായി www.malayalamshows.com.au എന്ന വെബ് സൈറ്റ് തയാറാക്കിയിട്ടുണ്ട്.
