ജീവിതത്തിന്റെ നിറകാഴ്ചകൾ ഒപ്പിയെടുക്കുന്ന ഫോട്ടോഗ്രഫി മത്സരം; കേരളത്തിലെ ജേർണലിസം വിദ്യാർത്ഥികൾക്കും പങ്കെടുക്കാം

ഇൻഡോ അമേരിക്കൻ പ്രസ്സ് ക്ലബിന്റെ ആഭിമുഖ്യത്തിൽ ജീവിതത്തിന്റെ നിറകാഴ്ചകൾ ഒപ്പിയെടുക്കുന്ന 'ദൃഷ്ടി ' ഐ എ പി സി ഫോട്ടോഗ്രാഫി മത്സരം സംഘടിപ്പിക്കുന്നു. രണ്ട് വിഭാഗങ്ങളിലായിട്ടാണ് മത്സരം സംഘടിപ്പിച്ചിട്ടുള്ളത് . ഇൻഡോ അമേരിക്കൻ സിറ്റിസൺ ജേർണലിസ്റ്റുകൾക്കും കേരളത്തിലെ ജേർണലിസം വിദ്യാർത്ഥികൾക്കും മത്സരത്തിൽ പങ്കെടുക്കാം. 'കളേഴ്‌സ് ഓഫ് ലൈഫ്' എന്ന വിഭാഗത്തിലാണ് മത്സരം. 18 വയസ്സ് പൂർത്തിയായവർക്ക് മത്സരത്തിൽ പങ്കെടുക്കാം.

എൻട്രികൾ അയക്കുന്ന കേരള ത്തിലെ ജേർണലിസം വിദ്യാർത്ഥികൾ ഫോട്ടോയോടൊപ്പം പഠിക്കുന്ന സ്ഥാപനത്തിന്റെ പേരും കോഴ്‌സും വർഷവും തെളിയിക്കുന്ന രേഖകൾ മേലധികാരികളിൽ നിന്ന് വാങ്ങി സമർപ്പിക്കേണ്ടതാണ് എൻട്രികൾ സമർപ്പിക്കുന്നവർ ഐഎപിസി ഫോട്ടോമത്സത്തിന്റെ നിയമങ്ങൾക്ക് വിധേയമായാണ് അയക്കേണ്ടത്. 201415കാലയളവിൽ എടുത്ത ഫോട്ടോകളാണ് എൻട്രികളായി അയക്കേണ്ടത്. കളേഴ്‌സ് ഓഫ് ലൈഫ് എന്ന ഫോട്ടോഗ്രാഫി മത്സരത്തിൽ അയക്കുന്ന എൻട്രികൾ സാമൂഹികപ്രതിബദ്ധത പ്രതിഫലിക്കുന്നവയായിരിക്കണം. ചിത്രത്തോടൊപ്പം അത് ലോകത്തിന് നല്കുന്ന സന്ദേശവും ഉൾപ്പെടുത്തിയിരിക്കണം.

ക്രോപ്പ് ചെയ്ത ചിത്രങ്ങൾ, ഡിജിറ്റലൈസേഷൻ അടക്കമുള്ള മാറ്റങ്ങൾ വരുത്തിയതോ ആയ ചിത്രങ്ങൾ മത്സരത്തിൽ നിന്ന് ഒഴിവാക്കുന്നതാണ്. അതേസമയം ചെറിയ മിനുക്ക് പണികൾ, സ്‌പോട്ടിങ്, ഡോഡ്ജിങ്, ബേർണിങ് ,ഷാർപ്പനിഗ്, കോൺട്രാസ്റ്റ്, ചെറിയനിറം മാറ്റങ്ങൾ എന്നിവ സ്വീകാര്യമാണ്. മത്സരാർഥികൾ അയക്കുന്ന ഫോട്ടോകളിൽ, എതെങ്കിലും വിധത്തിലുള്ള മാറ്റങ്ങൾ വരുത്തിയാൽ ആ ഫോട്ടോകളെ കുറിച്ചുള്ള അന്തിമ തീരുമാനം വിധികർത്താക്കളിൽ നിഷിപ്തമായിരിക്കും. പ്രകോപനപരമായോ അശ്‌ളീലപരമായോ ആയ ചിത്രങ്ങൾ മത്സരത്തിൽ പരിഗണിക്കുന്നതല്ല. മുൻപ് അയച്ചിട്ടുള മത്സരാർഥികൾ വീണ്ടും അയക്കേണ്ടതില്ല. മത്സരത്തിന് ഒന്നിൽ കൂടുതൽ ഫോട്ടോകൾ അയക്കേണ്ടതില്ല. അയക്കുന്ന ഫോട്ടോയക്കൊപ്പം അതിന്റെ വിവരണം, ഈ ഫോട്ടോയ്ക്ക് അവകാശം മറ്റാർക്കും ഇല്ലായെന്നുള്ളതുമായ അക്‌നോളഡ്ജ്‌മെന്റ്ും സമർപ്പിക്കേണ്ടതാണ്. മത്സരത്തിനായി അയക്കുന്ന ചിത്രങ്ങളുടെ പ്രദർശനമോ, ഏതെങ്കിലും വിധത്തിലുള്ള പരസ്യപ്രചാരണങ്ങളോ ഇൻഡോ അമേരിക്കൻ പ്രസ് ക്ലബ് ഉത്തരവാദിയായിരിക്കില്ല.

എൻട്രികൾ ലഭിക്കേണ്ട അവസാന തീയതി 31 ആഗസ്‌റ് 2015. വിജയികൾക്ക് 2015 ഒക്ടോബർ 9 മുതൽ 12 വരെ ന്യൂയോർക്കിലെ റോൺകോൺകോമ ക്ലാരിയോൺ ഹോട്ടൽ ആൻഡ് കോൺഫറൻസ് സെന്ററിൽ നടക്കുന്ന ഇൻഡോ അമേരിക്കൻ പ്രസ്‌ക്ലബിന്റെ അന്തർദേശീയ മാദ്ധ്യമ സമ്മേളനത്തിൽ വച്ച് സമ്മാനങ്ങൾ വിതരണം ചെയ്യും. ഇതര രാജ്യങ്ങളിൽ നിന്നുള്ള വിജയികൾക്കുള്ള സമ്മാനങ്ങളുടെ  വിതരണം പിന്നീട് വിജയികളെ നേരിട്ട് അറിയിക്കുന്നതാണ്.
എൻട്രികൾ അയക്കേണ്ട വിലാസം iapcphotocontest@gmail.com ( ഇ മെയിൽ അയക്കുന്നവർ 'iapc contest' എന്ന് ചേർത്തിരിക്കണം)

വിശദ വിവരങ്ങൾക്ക് :
973-619-5262 FREE, 201-214-9858 FREE എന്നീ ഫോൺ നമ്പറുകളിൽ ബന്ധ പ്പപ്പെടാവുന്നതാണ്.