ന്യൂയോർക്ക്: പേഴ്‌സൺ ഓഫ് ഇന്ത്യൻ ഒറിജിൻ കാർഡുകൾ (പി ഐ ഒ)ഓവർസീസ് സിറ്റിസൺ കാർഡുകളാക്കി (ഒ സി ഐ) മാറുന്നതിനുള്ള സമയപരിധിജൂൺ 30 ന് അവസാനിക്കുമെന്ന ന്യൂയോർക്ക് കോൺസുലേറ്റ് ജനറൽ ഓഫ് ഇന്ത്യയിൽ നിന്നുള്ള അറിയിപ്പിൽ പറയുന്നു.

2016 ഡിസംബറിൽ അവസാനിച്ചിരുന്ന തിയ്യതി ആറ് മാസത്തേക്ക് കൂടി നീട്ടിയത് ഇന്ത്യൻ അമേരിക്കൻ വംശജരുടെ അഭ്യർത്ഥന മാനിച്ചാണെന്നും ഓഫീസിൽ നിന്നും അറിയിച്ചു.2016 മാർച്ച് 31 മുതൽ മൂന്നാം തവണയാണ് തിയ്യതിദീർഘിപ്പിക്കുന്നതെന്നും ഇനി ഒരു മാറ്റം പ്രതീക്ഷിക്കേണ്ടതില്ലെന്നുംന്യൂയോർക്ക് കോൺസുലേറ്റ് പ്രതിനിധി ഷഹാന ബഗ്ബാൻ പറഞ്ഞു.

വിദേശത്ത് താമസിക്കുന്നവർക്ക് ഒ സി ഐ, പി ഐ ഒ കാർഡുകൾ തമ്മിലുള്ളവ്യത്യാസം ഒഴിവാക്കുന്നതിന് 2014 ൽ ഇന്ത്യൻ പ്രധാനമന്ത്രി നരേന്ദ്രമോദിയാണ് പുതിയ പ്രഖ്യാപനം നടത്തിയത്.2002 ലായിരുന്നു പി ഐ ഒ കാർഡ്ആദ്യമായി നിലവിൽ വന്നത്.ഇതൊരു അടിയന്തിര അറിയിപ്പായി കണക്കാക്കണമെന്നുംഇന്ത്യൻ കോൺസുലേറ്റ് അഭ്യർത്ഥിച്ചു.