കർണാടക /ബെൽമാനി: റേഷൻ കടയിൽ വിതരണം ചെയ്ത പച്ചരിയോടൊപ്പം പ്ലാസ്റ്റിക് അരിമണികൾ കണ്ടെത്തി. ഞെട്ടിക്കുന്ന സംഭവം നടന്നത് കർണാടക കാർകലയിലെ ബെൽമാനി താലൂക്കിലാണ്.

ബെൽമാനി താലൂക്കിലെ റേഷൻ ഷോപ്പുകളിൽ കാർഡ് ഉടമകൾക്ക് വിതരണം ചെയ്ത അരിയിലാണ് പ്ലാസ്റ്റിക് അരികൾ കലർന്നതായി കണ്ടെത്തിയത്. അരി വേവിക്കാൻ എടുത്തപ്പോൾ ചില അരിമണികൾ പ്രത്യേകം തിളക്കമുള്ളതായി ഗുണഭോക്താക്കൾക്ക് ശ്രദ്ധയിൽ പെടുകയായിരുന്നു.

പ്ലാസ്റ്റിക് അരി കണ്ടെത്തിയതിനെ തുടർന്ന് ഗ്രാമവാസികൾ പ്രകോപിതരായതോടെ ഉദ്യോഗസ്ഥരും പ്രാദേശിക പഞ്ചായത്തധികൃതരും എത്തി അരി പരിശോധിച്ചു. മായം കലർന്ന സംഭവത്തെ കുറിച്ച് ഗൗരവമായി അന്വേഷണം നടത്തുമെന്ന് ബന്ധപ്പെട്ട ഉദ്യോഗസ്ഥർ ഗ്രാമവാസികൾക്ക് ഉറപ്പ് നൽകി.

അതേസമയം ഇത്തരത്തിൽ മായം ചേർക്കുന്ന അരി സംസ്ഥാനത്തൊട്ടാകെയുള്ള പൊതുവിതരണ സംവിധാന (പിഡിഎസ്) സ്റ്റോറുകളിലുടെ വഴി ഉപഭോക്താക്കൾക്ക് വിതരണം ചെയ്തിരുന്നതായി ആക്ഷേപം ഉയരുന്നുണ്ട്. കാർക്കലയിലെ പ്രധാന പിഡിഎസ് കേന്ദ്രം അപകടത്തെക്കുറിച്ചും ഭക്ഷ്യവകുപ്പ് ഉദ്യോഗസ്ഥരെക്കുറിച്ചും അറിയിച്ചിട്ടുണ്ട്. ബെൽമാൻ ഫാർമിങ് സർവീസ് കോപ്പറേറ്റീവ് സൊസൈറ്റി പ്രസിഡന്റ് നിത്യാനന്ദ ഷെട്ടി നൽകിയ പരാതിയെ തുടർന്ന് അന്വേഷണം ആരംഭിച്ചിട്ടുണ്ട് .

റേഷൻ വഴി ഈ മാസത്തെ അരികൾ വാങ്ങിച്ച ഉപഭോക്താക്കളോട് അത് ബന്ധപ്പെട്ട കടയിലേക്ക് തിരികെ നൽകാൻ ഭക്ഷ്യവകുപ്പ് ആവശ്യപ്പെട്ടു.

 

പച്ചരിപ്ലാസ്റ്റിക് അരിമണികൾറേഷൻ കട