മുണ്ടക്കയം: 14 വയസുകാരിയെ പീഡിപ്പിച്ച കേസിൽ പ്രായപൂർത്തിയാകാത്ത 17 കാരനെ മുണ്ടക്കയം പൊലീസ് അറസ്റ്റ് ചെയ്തു. പാലക്കാട് ചിറ്റൂർ സ്വദേശിയാണ് അറസ്റ്റിലായത്.

മുണ്ടക്കയം സ്വദേശിനിയായ 14 വയസുകാരിയെ സോഷ്യൽ മീഡിയയിലൂടെ പരിചയപ്പെട്ട പ്രതി പാലക്കാട് ചിറ്റൂരിൽനിന്ന് മുണ്ടക്കയത്ത് എത്തി പീഡിപ്പിക്കുകയായിരുന്നു.

14 വയസുകാരിയുടെ വീട്ടിൽ ആരുമറിയാതെ രണ്ടുദിവസം താമസിച്ച പ്രതി തിരിച്ച് പാലക്കാട്ടേക്കു മടങ്ങുമ്പോഴാണ് മുത്തച്ഛന്റെ ശ്രദ്ധയിൽപ്പെടുന്നത്. തിരക്കിയപ്പോൾ കൂട്ടുകാരൻ ആണെന്നായിരുന്നു 14കാരി വിശദീകരിച്ചത്. തുടർന്ന് വീട്ടുകാർ കുട്ടിയുടെ സോഷ്യൽ മീഡിയയിൽ നടത്തിയ തെരച്ചിലിലാണ് പ്രതിയെ തിരിച്ചറിഞ്ഞത്.വീട്ടുകാർ നൽകിയ പരാതിയുടെ അടിസ്ഥാനത്തിൽ പൊലീസ് നടത്തിയ തെരച്ചിലിലാണ് പാലക്കാട്‌നിന്നും പ്രതി അറസ്റ്റിലാകുന്നത്.

 

 

പോക്‌സോ കേസ്‌

മറുനാടന്‍ മലയാളി

    മറുനാടന്‍ മലയാളി ബ്യൂറോ