ചുണ്ടിൽ ഒരു കൊതുക്
തപസ്സിരിക്കുമ്പോൾ
ആകാശം
മുഴകളെ പ്രസവിക്കുമ്പോൾ
പ്രായത്തിന്
ഒരു കുഞ്ഞ് ജനിക്കുന്നു
ട്രെയിൻ ഏമ്പക്കമിടുമ്പോൾ
വിത്തുകൾ
നേരെ
പാതാളത്തിലേക്കിറങ്ങുന്നു
വെളിച്ചം
മെഴുകുതിരികളിലേക്കിറങ്ങിച്ചെല്ലുമ്പോൾ
മുട്ടോളമെത്തുന്ന
ഗംഗ
ഭൂമി
യക്ഷിയെ പ്രാപിക്കുമ്പോൾ
പകൽ പോയ് മറയുന്നു
പുകക്കുഴലുകൾ
സംഗീതത്തെ മറയ്ക്കുന്നു
ചന്ദ്രൻ
പാപത്തെ തുടയ്ക്കുന്നു
ഒറ്റക്കയ്യൻ നക്ഷത്രങ്ങളുടെ
കണ്ണുകളടയുന്നു
കുതിരക്ക് രണ്ടു വാലും,
തവളക്ക്
ഒരു കുഞ്ഞും
മനുഷ്യന്
കാക്കത്തൊള്ളായിരം കുഞ്ഞുങ്ങളും
ആദ്യം
കുട്ടിക്ക് രണ്ടു തലയും
ആനക്കു നാലുചെവിയും
ഹൃദയത്തിന്നൊരൊറ്റ അറയും
ലോകത്തിന്നൊരു കൊമ്പും ജനിക്കുന്നു