'കണ്ണന്റെ കണ്ണുമായ് എൻ കണ്ണകി'

നക്ഷത്ര നിലാവെളിച്ചം മയക്കമായ്;
നഭസ്സീ ദീപാരാധനക്കൊരുക്കമായ്;
അസുര നിഗ്രഹ നിപുണ പുണ്യമായ്;
അവിടുന്നിതാ കാവ്യ കാൽചിലമ്പിട്ടതോ.........?

കാലസ്വരൂപിണി ഭൂമണ്ഡലം ചുറ്റി
ദേവലോകത്തിനുമപ്പുറം- നിന്നിതാ..........
ഭൂഗോളപുണ്യമായ്; കാഴ്ച നെയ്യുന്നിതാ..........
പ്രണവം കടന്ന- കരുത്തുമായ്;
മന്ത്രാക്ഷരം ചൊല്ലി- എന്നെ, ഉണർത്തിയോ........
പ്രകാശവർഷമേ........ നീ എന്നരികിലായ്;
പിഞ്ചിളം കുഞ്ഞെന്റെ- ഓമനപൈതലായ്; വന്നുവോ..........

കണ്ണേ.......... എൻ കണ്ണകി...........
കണ്ണന്റെ കണ്ണുമായ്;
ഇന്ദ്രനീലം പൂത്ത-
പൂത്തിങ്കളായ്;

മെല്ലേ ചിരിപ്പൂ ഈ പൂർണേന്ദൂ;
പൂവിതൾ- പൂക്കവിൾ- പുണ്യമായ്;
പൂത്തതോ.....
മെല്ലേ വിടർന്നെന്റെ കണ്ണന്റെ
കണ്ണോതി...........
'എന്തു ഞാൻ ചെയ്യേണ്ടൂ.......'
കൊഞ്ചലായ് എന്മുന്നിൽ
പൂത്തുലഞ്ഞെത്തിയാ-
ചന്ദനഗന്ധം- മൊഴിഞ്ഞിടുന്നു!.........

താമരമുട്ടിന്റെ കുഞ്ഞിളം കയ്യിലായ്;
പൊൻവിരൽതുമ്പിലീ- വില്ലൊന്നിതേ........
ആരേകി ഓമനേ.........
ആത്മധൈര്യത്തിന്റെ-
അത്മാവുകൊണ്ടിതു- തീർത്തതൊന്നോ........?

കാൽചിലമ്പിട്ടെന്റെ കണ്ണന്റെ കണ്ണേ- നീ;
കാര്യങ്ങളോതുവാൻ കാത്തിരുന്നോ......
നെഞ്ചിൽ വിരിഞ്ഞൊരാ-
കർമ്മവീര്യത്തിന്റെ-
കൽഹാരമുട്ടിലായ്; ഞാനലിഞ്ഞൂ

ഒരു വെറും ശിശുവാണു- ഞാൻ
എന്നിലായ്;
എന്നെ, അറിഞ്ഞു- ഞാൻ
ആത്മഗീതം പോലെ;
നിങ്കലായ്; ചൊല്ലുന്നിതേ..........

കണ്ണേ...........കണ്ണേ...............കണ്ണേ
എൻ കണ്ണകീ;
കണ്ണന്റെ കണ്ണുമായ്;
ഇന്ദ്രനീലം പൂത്തീ; ഹൃത്തൊന്നിതേ..........

സുധാ കടമ്പാട് (9539773487)