കെ എ പി അഞ്ചാം ബറ്റാലിയനിലെ പൊലീസ് കോൺസ്റ്റബിൾ ആഷിക്കിന്റെ ഹെയർ സ്‌റ്റൈലിനെ കുറിച്ചുള്ള ആക്ഷേപവും അടിസ്ഥാനരഹിതം; വാഹനം ഡ്യൂട്ടി സ്ഥലത്തു എത്തിച്ചു മടങ്ങാൻ തുടങ്ങവേ അക്രമികൾ പൊലീസ് വാഹനങ്ങൾ തകർക്കുന്നതായറിഞ്ഞു ഓടിയെത്തിയ അബ്ദുള്ളക്കുട്ടിക്കെതിരെ നടക്കുന്നത് വ്യാജ പ്രചരണവും; പൊലീസ് വിശദീകരണം ഇങ്ങനെ
കൊച്ചി: നിലയ്ക്കലിലെ സമരത്തിനിടെ അക്രമം കാട്ടിയവരുടെ കൂട്ടത്തിൽ പൊലീസുകാരനായ അബ്ദുള്ളക്കുട്ടിയും എത്തിയിരുന്നു. ഇതോടെ പൊലീസ് പ്രതിരോധത്തിലായി. ഇതിനൊപ്പം മറ്റൊരു പൊലീസുകാരന്റെ മുടിയും ചർച്ചയാക്കി. ഇതെല്ലാം അനാവശ്യമാണെന്നാണ് പൊലീസ് പറയുന്നത്. ശബരിമല വിഷയവുമായി ബന്ധപ്പെട്ട് ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർക്കെതിരെ സമൂഹ മാധ്യമങ്ങളിൽ വ്യാജപ്രചരണം നടത്തുന്നുവെന്നാണ് പൊലീസ് പറയുന്നത്. പൊലീസിന്റെ ഭാഗത്ത് നിന്നുണ്ടായ വീഴ്ചയാണ് ഇതിന് കാരണം. പൊലീസ് തയ്യാറാക്കിയ പ്രതികളുടെ പട്ടികയിലാണ് പൊലീസുകാരുടെ ചിത്രം വന്നത്. ഇതിന് എങ്ങനെ നാട്ടുകാരെ കുറ്റം പറയാനാകുമെന്ന ചോദ്യത്തിന് ഉത്തരവുമില്ല. പൊലീസ് ഉദ്യോഗസ്ഥർക്കെതിരെ വ്യാജപ്രചരണം ഞങ്ങൾക്ക് പറയാനുള്ളത് : ശബരിമല വിഷയവുമായി ബന്ധപ്പെട്ട് ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർക്കെതിരെ സമൂഹ മാധ്യമങ്ങളിൽ വ്യാജപ്രചരണം നടത്തുന്നത് ശ്രദ്ധയിൽപ്പെട്ടിട്ടുണ്ട്. ഇതിൽ ഒന്ന് പൊലീസ് വേഷം ധരിച്ച യുവജനസംഘടനയുടെ പ്രവർത്തകൻ ആണെന്ന വിധം ഡ്യൂട്ടിയിലുണ്ടായിരുന്ന ഒരു
കൊച്ചി: നിലയ്ക്കലിലെ സമരത്തിനിടെ അക്രമം കാട്ടിയവരുടെ കൂട്ടത്തിൽ പൊലീസുകാരനായ അബ്ദുള്ളക്കുട്ടിയും എത്തിയിരുന്നു. ഇതോടെ പൊലീസ് പ്രതിരോധത്തിലായി. ഇതിനൊപ്പം മറ്റൊരു പൊലീസുകാരന്റെ മുടിയും ചർച്ചയാക്കി. ഇതെല്ലാം അനാവശ്യമാണെന്നാണ് പൊലീസ് പറയുന്നത്. ശബരിമല വിഷയവുമായി ബന്ധപ്പെട്ട് ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർക്കെതിരെ സമൂഹ മാധ്യമങ്ങളിൽ വ്യാജപ്രചരണം നടത്തുന്നുവെന്നാണ് പൊലീസ് പറയുന്നത്.
പൊലീസിന്റെ ഭാഗത്ത് നിന്നുണ്ടായ വീഴ്ചയാണ് ഇതിന് കാരണം. പൊലീസ് തയ്യാറാക്കിയ പ്രതികളുടെ പട്ടികയിലാണ് പൊലീസുകാരുടെ ചിത്രം വന്നത്. ഇതിന് എങ്ങനെ നാട്ടുകാരെ കുറ്റം പറയാനാകുമെന്ന ചോദ്യത്തിന് ഉത്തരവുമില്ല.
പൊലീസ് ഉദ്യോഗസ്ഥർക്കെതിരെ വ്യാജപ്രചരണം
ഞങ്ങൾക്ക് പറയാനുള്ളത് :
ശബരിമല വിഷയവുമായി ബന്ധപ്പെട്ട് ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർക്കെതിരെ സമൂഹ മാധ്യമങ്ങളിൽ വ്യാജപ്രചരണം നടത്തുന്നത് ശ്രദ്ധയിൽപ്പെട്ടിട്ടുണ്ട്.
ഇതിൽ ഒന്ന് പൊലീസ് വേഷം ധരിച്ച യുവജനസംഘടനയുടെ പ്രവർത്തകൻ ആണെന്ന വിധം ഡ്യൂട്ടിയിലുണ്ടായിരുന്ന ഒരു പൊലീസ് ഉദ്യോഗസ്ഥന്റെ ചിത്രത്തെ പ്രചരിപ്പിക്കുന്നതാണ്.
വാസ്തവം ഇതാണ് : ശബരിമല ഡ്യൂട്ടിക്ക് നിയോഗിച്ചിരുന്ന കെ എ പി അഞ്ചാം ബറ്റാലിയനിലെ പൊലീസ് കോൺസ്റ്റബിൾ ആഷിക്കിന്റെ ചിത്രമാണ് ഇത്തരത്തിൽ പൊതുജനങ്ങൾക്കിടയിൽ തെറ്റിദ്ധാരണ പരത്തും വിധം പ്രചരിപ്പിക്കുന്നത് . ഈ ഉദ്യോഗസ്ഥന്റെ ഹെയർ സ്‌റ്റൈലിനെ കുറിച്ചുള്ള ആക്ഷേപവും അടിസ്ഥാനരഹിതമാണ്.
രണ്ടാമത്തെ സംഭവത്തിൽ: ലുക്ക് ഔട്ട് നോട്ടീസിൽ പൊലീസുകാരൻ ഉൾപ്പെട്ടിട്ടുള്ളതായി വ്യാജ പ്രചാരണം നടക്കുന്നതായി ശ്രദ്ധയിൽപ്പെട്ടിട്ടുണ്ട്. എന്നാൽ ഇത് ഒരു ലുക്ക് ഔട്ട് നോട്ടീസ് അല്ല. ശബരിമലയിലെ അക്രമ സംഭവങ്ങളിലെ പ്രതികളെ കണ്ടെത്തുന്നതിനായി അക്രമം നടന്ന സ്ഥലങ്ങളിൽ നിന്നും പൊലീസ് ശേഖരിച്ച ചിത്രങ്ങളിലുള്ളവരെ പരിശോധിച്ചു യഥാർത്ഥ പ്രതികളെ കണ്ടെത്തുന്നതിലേയ്ക്ക് വിവിധ ജില്ലാ പൊലീസ് മേധാവിമാർക്ക് അയച്ചുകൊടുത്ത പട്ടിക മാത്രമാണ് . ഇതിൽ മഫ്ടിയിലുണ്ടായിരുന്ന ഒരു പൊലീസ് ഉദ്യോഗസ്ഥന്റെ ചിത്രവും അവിചാരിതമായി കടന്നു കൂടി. പരിശോധിച്ചതിൽ ശബരിമല ഡ്യൂട്ടിക്കായി പൊലീസ് വാഹനവുമായി എത്തിയ പത്തനംതിട്ട ഏ ആർ ക്യാമ്പിലെ ഡ്രൈവർ സീനിയർ സിവിൽ പൊലീസ് ഓഫീസർ ഇബ്രാഹിം ആണെന്ന് വ്യക്തമായിട്ടുള്ളതാണ് . വാഹനം ഡ്യൂട്ടി സ്ഥലത്തു എത്തിച്ചു ഡ്യൂട്ടി കഴിഞ്ഞു മടങ്ങാൻ തുടങ്ങവേ അക്രമികൾ പൊലീസ് വാഹനങ്ങൾ തകർക്കുന്നതായറിഞ്ഞു ഇദ്ദേഹം സംഭവസ്ഥലത്തു എത്തിച്ചേരുകയായിരുന്നു എന്നും വ്യക്തമായതിനാൽ സംശയമുള്ളവരുടെ പട്ടികയിൽ നിന്നും ഇദ്ദേഹത്തെ ഒഴിവാക്കിയിട്ടുള്ളതുമാണ്.
കർത്തവ്യ നിർവഹണത്തിൽ ഏർപ്പെട്ടിരുന്ന പൊലീസ് ഉദ്യോഗസ്ഥർക്കെതിരെ അടിസ്ഥാനരഹിതമായ വ്യാജ പ്രചരണങ്ങൾ നടത്തുന്നത് തികച്ചും അപലപനീയമാണ്. സമൂഹ മാധ്യമങ്ങളിലെ വാസ്തവവിരുദ്ധമായ പ്രചരണങ്ങളിൽ പൊതുസമൂഹത്തിലുണ്ടായ ആശങ്ക പരിഹരിക്കേണ്ട ഉത്തരവാദിത്വം ഉൾക്കൊണ്ടാണ് ഈ വിശദീകരണം. #keralapolice
