മദ്യപിച്ചു വാഹനം ഓടിച്ച പൊലീസ് ഓഫീസറെ പിരിച്ചുവിട്ടു
ഫോർട്ട് വർത്ത് (റോക്സസ്): ഗ്രേപ് വൈൻ എലിമെന്ററി സ്‌ക്കൂളിന് മുമ്പിൽ മദ്യപിച്ചു വാഹനം ഓടിച്ച പൊലീസ് ലഫ്റ്റനന്റഅ ഗാരി ഹൗലിയെ ജോലിയിൽ നിന്നും പിരിച്ചുവിട്ടതായി ഫോർട്ട് വർത്ത് പൊലീസ് ഡിപ്പാർട്ട്മെന്റ് ഫെബ്രുവരി 10ന് അറിയിച്ചു.
ഡിപ്പാർട്ട്മെന്റ് പൊതുനിയമങ്ങൾ ലംഘിച്ചതിനാണ് ഗാരിയെ ജോലിയിൽ നിന്നും പിരിച്ചുവിട്ടതെന്ന് ഡിപ്പാർട്ട്മെന്റ് ഔദ്യോഗീകമായി പുറത്തിറക്കിയ പ്രസ്താവനയിൽ പറയുന്നു. രണ്ടു മാസത്തിന് ശേഷമാണ് പിരിച്ചു വിടൽ.
ഡിസംബർ 8നായിരുന്നു ഗാരിയെ പൊലീസ് അറസ്റ്റ് ചെയ്തത്. എലിമെന്ററി സ്‌ക്കൂളിനു മുമ്പിൽ ്രൈഡവർ സീറ്റിൽ ഉറങ്ങുന്ന ഗാരിയെ പൊലീസ് പിടികൂടുകയായിരുന്നു. ഗാരിയുടെ കാറിനു പിൻസീറ്റിൽ ഒരു കുട്ടി കൂടി ഉണ്ടായിരുന്നുവെന്നത് കുറ്റത്തിന്റെ ഗൗരവം വർദ്ധിപ്പിച്ചതായി പൊലീസ് ഡിപ്പാർട്ട്മെന്റ് ്അറിയിച്ചു.
14 വർഷത്തെ സേവന പാരമ്പര്യമുണ്ടായിരുന്നു ഗാരിക്ക്. ഈസ്റ്റ് ഡിവിഷൽ(ഫോർട്ട് വർത്ത്)പട്രോൾ ഡ്യൂട്ടിയിലായിരുന്നു ഗാരി. കാറിൽ മദ്യപിച്ചു കിടന്നുറങ്ങിയിരുന്ന ഓഫീസറെകുറിച്ചു സമീപത്തു കൂടെ കടന്നുപോയ ഒരാളാണ് പൊലീസിനെ വിവരം അറിയച്ചത്. സംഭവസ്ഥലത്തെത്തിയ പൊലീസ് അനിഷ്ട സംഭവങ്ങൾ ഒന്നും ഇല്ലാതെ ഗാരിയെ അറസ്റ്റു ചെയ്തു ജയിലിലേക്കയച്ചു.
നിയമം പാലിക്കുന്നതിനും, നടപ്പാക്കുന്നതിനു ഉത്തരവാദിത്ത്വപ്പെട്ടവരുടെ ഭാഗത്തുനിന്നും കുറ്റകരമായ നടപടികൾ ഉണ്ടാകുന്നതു വിശ്വാസ്യതയെ ചോദ്യം ചെയ്യുമെന്ന് പൊലീസ് ഡിപ്പാർട്ട്മെന്റ് പറയുന്നു.
