തിരുവനന്തപുരം: ഇൻസ്റ്റഗ്രാമിൽ കൂടി പെൺകുട്ടിയെ അസഭ്യം പറഞ്ഞ യുവാവ് ഒടുവിൽ പൊലീസ് പിടിയിൽ.ചടയമംഗലം സ്വദേശിയായ ലിജോജോയിയാണ് പൊലീസ് പിടിയിലായത്. ആയുർസ്വദേശിയായ പെൺകുട്ടിയെയാണ് ഇയാൾ അധിക്ഷേപിച്ചത്.പെൺകുട്ടിയെ അസഭ്യം പറയുന്നതിനൊപ്പം തന്നെ കേരളപൊലീസിനെയും ഇയാൾ വെല്ലുവിളിച്ചിരുന്നു.പെൺകുട്ടിയെ അസഭ്യം പറഞ്ഞത് പൊലീസിൽ പരാതിപ്പെടുമെന്ന് കമന്റ് വന്നപ്പോഴാണ് പൊലീസ് വന്നാൽ തനിക്കെന്താ എന്ന രീതിയിൽ ഇയാൾ പൊലീസിനെ വെല്ലുവിളിച്ചത്.

സംഭവമറിഞ്ഞ പൊലീസ് ഇയാൾക്കെതിരെ കേസെടുത്തിരുന്നു. അ വിവരവും മറ്റൊരു ലൈവിലൂടെ ഇയാൾ കാഴ്‌ച്ചക്കാരുമായി പങ്കുവെച്ചു.ലിജോയ്‌ക്കെതിരെ കേസെടുത്ത വിവരം പൊലീസ് കേരളപൊലീസ് മീഡിയ സെല്ലിന്റെ ഓഫീഷ്യൽ പേജിൽ പങ്കുവെച്ചതോടെയാണ് ഇയാൾക്ക് പണിപാളിയെന്ന് മനസിലായത്. തുടർന്ന് ഇയാൾ ഒളിവിൽ പോവുകയായിരുന്നു.

 

പിന്നീട് മൊബൈൽ ഫോൺ ടവർലൊക്കേഷൻ പരിശോധിച്ച് നടത്തിയ അന്വേഷണത്തിനൊടുവിലാണ് ലിജോയെ കർണ്ണാടകയിലെ ഹൊസുരിൽ നിന്ന് ചടയമംഗലം പൊലീസ് അറസ്റ്റ് ചെയ്തത്.ലിജോയെ പിടികൂടിയ ദൃശ്യങ്ങളും ലിജോ ലൈവിൽ നടത്തിയ പരാമർശങ്ങളും ഉൾപ്പെടുത്തി പൊലീസ് മീഡിയ സെല്ല് തയ്യാറാക്കിയ വീഡിയോ ആണ് ഇപ്പോൾ വൈറലാകുന്നത്.'ഹൊസ്സൂരല്ല, നീ എങ്ക പോയ് ഒളിഞ്ചാലും ഉന്നൈ വിടമാട്ടേ കണ്ണാ' എന്ന ടാഗ് ലൈനോടെയാണ് വീഡിയോ പോസ്റ്റ് ചെയ്തിരിക്കുന്നത്.

 

കേരളപൊലീസ്ട്രോൾ വീഡിയോ