മുഖ്യമന്ത്രി പദത്തിൽ മാറണമെന്ന് താൻ അതിയായി ആഗ്രഹിക്കുന്നുണ്ട്; പക്ഷെ മുഖ്യമന്ത്രി കസേര തന്നെ വിടുന്നില്ല; സച്ചിൻ പൈലറ്റും താനും ഒറ്റക്കെട്ട്; മുഖ്യമന്ത്രി മോഹം കൈവിടാതെ അശോക് ഗെലോട്ട്; സ്ഥാനാർത്ഥി നിർണയത്തിൽ ഹൈക്കമാൻഡിനെയും വെട്ടിലാക്കി ഗെലോട്ട്
ജയ്പൂർ: രാജസ്ഥാൻ മുഖ്യമന്ത്രി പദത്തിൽ അധികാരം കിട്ടിയാൽ വീണ്ടും ഇരിക്കാൻ ആഗ്രഹമുണ്ടെന്ന സൂചന നൽകി മുഖ്യമന്ത്രിയും സംസ്ഥാന കോൺഗ്രസ് നേതാവുമായി അശോക് ഗെലോട്ട്. രാജസ്ഥാനിൽ കോൺഗ്രസിൽ തർക്കങ്ങളില്ലെന്ന് ഗെലോട്ട് പറഞ്ഞു. മുഖ്യമന്ത്രി പദത്തിൽ മാറണമെന്ന് താൻ അതിയായി ആഗ്രഹിക്കുന്നുണ്ട്. പക്ഷെ മുഖ്യമന്ത്രി കസേര തന്നെ വിടുന്നില്ല. തന്റെ മേൽ ഗാന്ധി കുടുബം വിശ്വാസം സൂക്ഷിക്കുന്നതിൽ എന്തെങ്കിലും കാരണമുണ്ടാകുമെന്നും ഗെലോട്ട് പ്രതികരിച്ചു.
താനും സച്ചിൻ പൈലറ്റും ഒറ്റക്കെട്ടായാണ് മുന്നോട്ട് പോകുന്നത്. സ്ക്രീനിങ് കമ്മിറ്റിയിൽ ഒറ്റ പേരും പോലും താൻ എതിർത്തിട്ടില്ലെന്നും അദ്ദേഹം പറഞ്ഞു. കേന്ദ്ര അന്വേഷണ ഏജൻസികളെ കേന്ദ്ര സർക്കാർ ദുരുപയോഗം ചെയ്യുന്നുവെന്ന പരാതിയും രാജസ്ഥാൻ മുഖ്യമന്ത്രി ഉയർത്തി. തെരഞ്ഞെടുപ്പ് പ്രഖ്യാപിച്ചാൽ സംസ്ഥാനങ്ങളിൽ ആദ്യം എത്തുന്നത് ഇഡിയാണ്. അന്വേഷണ ഏജൻസികളെ വെച്ചുള്ള രാഷ്ട്രീയ വേട്ടയാടൽ ഒരു സർക്കാരിന് ചേരുന്നതല്ലെന്നും തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്ന പശ്ചാത്തലത്തിൽ റെയ്ഡുകൾ ഒഴിവാക്കാൻ കേന്ദ്ര ഏജൻസികൾക്ക് തെരഞ്ഞെടുപ്പ് കമ്മീഷൻ നിർദ്ദേശം നൽകണമെന്നും അദ്ദേഹം ആവശ്യപ്പെട്ടു.
അതേസമയം വസുന്ധര രാജെ സിന്ധ്യയോട് ബിജെപി ചെയ്യുന്നത് അനീതിയാണ്. തന്റെ പേരിൽ അവരെ ബിജെപി അവഗണിക്കരുതെന്നും വസുന്ധര രാജ സിന്ധ്യയെ ബിജെപി അവഗണിക്കുന്നുണ്ടോയെന്ന മാധ്യമങ്ങളുടെ ചോദ്യത്തോട് അദ്ദേഹം പ്രതികരിച്ചു. അതേസമയം രാജസ്ഥാനിലെ സിറ്റിങ് എംഎൽഎമാരിൽ മുപ്പതോളം പേർക്കു കോൺഗ്രസ് സീറ്റ് നൽകിയേക്കില്ലെന്ന സൂചനകളും ശക്തമാണ്.
മുഖ്യമന്ത്രി അശോക് ഗെലോട്ടിന്റെ പക്ഷത്തുള്ള മന്ത്രിമാരായ ശാന്തി ധരിവാൾ, മഹേഷ് ജോഷി, പ്രമുഖ നേതാവ് ധർമേന്ദ്ര റാഥോഡ് എന്നിവരാണു ഹിറ്റ്ലിസ്റ്റിലുള്ളത്. കഴിഞ്ഞ വർഷം മുഖ്യമന്ത്രി സ്ഥാനത്തുനിന്ന് ഗെലോട്ടിനെ നീക്കാൻ ഹൈക്കമാൻഡ് നടത്തിയ നീക്കത്തെ എതിർക്കാൻ മുന്നിൽ നിന്നു പട നയിച്ചവരാണിവർ.
ഇന്നലെ ചേർന്ന തിരഞ്ഞെടുപ്പു സമിതി 106 സീറ്റുകളിൽ സ്ഥാനാർത്ഥികളെ തീരുമാനിച്ചതായാണു സൂചനകൾ. പട്ടിക ഇന്നോ നാളെയോ പുറത്തിറക്കും. ബാക്കി സ്ഥാനാർത്ഥികളെ മറ്റന്നാൾ തീരുമാനിക്കും. ഇതിനിടെ, ഛത്തീസ്ഗഡിൽ 53 സ്ഥാനാർത്ഥികളെ കൂടി കോൺഗ്രസ് പ്രഖ്യാപിച്ചു. കഴിഞ്ഞ ദിവസം 30 പേരെ പ്രഖ്യാപിച്ചിരുന്നു. ബാക്കി 7 സ്ഥാനാർത്ഥികളെ തീരുമാനിച്ചിട്ടില്ല.
തന്റെ എല്ലാ മന്ത്രിമാരെയും വീണ്ടും മത്സരിപ്പിക്കണമെന്ന് ഗെലോട്ടിന് താൽപ്പര്യമുണ്ടെന്നാണ് റിപ്പോർട്ടുകൾ. 2019 ൽ കോൺഗ്രസിൽ ചേർന്ന ആറ് മുൻ ബഹുജൻ സമാജ് പാർട്ടി (ബിഎസ്പി) എംഎൽഎമാരെയും, അതുപോലെ തന്നെ പ്രതിസന്ധി ഘട്ടങ്ങളിൽ തന്റെ സർക്കാരിനെ പിന്തുണച്ച മുമ്പ് കോൺഗ്രസുകാരായിരുന്ന സ്വതന്ത്രരെയും പാർട്ടി മത്സരിപ്പിക്കണമെന്നും ഗെലോട്ട് ആഗ്രഹിക്കുന്നു.
ഇക്കുറി സീറ്റ് നിലനിർത്താൻ കഴിയില്ലെന്ന് തോന്നുന്നവരെ മത്സരിപ്പിക്കരുതെന്നാണ് നേതൃത്വത്തിന്റെ താൽപര്യമെന്നാണ് കോൺഗ്രസ് അണികളുടെ അവകാശവാദം. തിരഞ്ഞെടുപ്പ് തന്ത്രജ്ഞൻ സുനിൽ കനുഗോലുവിന്റെ ടീം നടത്തിയ ആഭ്യന്തര സർവേയുടെ അടിസ്ഥാനത്തിലാണ് ഈ വിലയിരുത്തൽ. എന്നാൽ കനുഗോലുവിന്റെ ടീം കണ്ടെത്തിയ സാധ്യതയുള്ള സ്ഥാനാർത്ഥികളുടെ പട്ടികയുമായി ഗെലോട്ടിന് പൂർണ്ണ യോജിപ്പില്ലെന്ന് പറയപ്പെടുന്നു. വാസ്തവത്തിൽ, തന്ത്രജ്ഞരേക്കാൾ തനിക്ക് രാജസ്ഥാനെക്കുറിച്ച് നന്നായി അറിയാമെന്ന് ഒരു യോഗത്തിൽ ഗെലോട്ട് പറഞ്ഞതായി റിപ്പോർട്ടുണ്ട്.
കോൺഗ്രസ് പാർലമെന്ററി പാർട്ടി (സിഎൽപി) യോഗം ബഹിഷ്കരിച്ച ഗെലോട്ടിന്റെ വിശ്വസ്തരുടെ കൂട്ടത്തിൽ ധരിവാളും ജോഷിയും ഉൾപ്പെടുന്നു, സച്ചിൻ പൈലറ്റ് സംസ്ഥാന അധ്യക്ഷനാക്കുന്നതിൽ ഈ നീക്കങ്ങൾ തിരിച്ചടിയായിരുന്നു. 100 ഓളം സീറ്റുകളിലേക്കുള്ള സ്ഥാനാർത്ഥികളെ കുറിച്ച് ചർച്ച ചെയ്യാൻ കോൺഗ്രസിന്റെ സെൻട്രൽ ഇലക്ഷൻ കമ്മിറ്റി (സിഇസി) ബുധനാഴ്ച യോഗം ചേർന്നു, എന്നാൽ പാനൽ അതിൽ പകുതിയോളം സീറ്റുകൾ മാത്രമേ അംഗീകരിച്ചിട്ടുള്ളൂവെന്ന് വൃത്തങ്ങൾ അറിയിച്ചു.
സ്ക്രീനിങ് കമ്മിറ്റി ബാക്കിയുള്ള മണ്ഡലങ്ങളിൽ ഒറ്റപ്പേരുമായി വന്നതിൽ ഹൈക്കമാൻഡിന്, പ്രത്യേകിച്ച് രാഹുൽ ഗാന്ധിക്ക് അതൃപ്തിയുണ്ടെന്ന് പറയപ്പെടുന്നു. ഓരോ സീറ്റിലേക്കും സാധ്യതയുള്ള മൂന്ന് സ്ഥാനാർത്ഥികളുടെ പേരുകളെങ്കിലും കൊണ്ടുവരാൻ നേതാക്കൾ സ്ക്രീനിങ് കമ്മിറ്റിയോട് ആവശ്യപ്പെട്ടതായി വൃത്തങ്ങൾ അറിയിച്ചു. സാധ്യതകളെ ഷോർട്ട്ലിസ്റ്റ് ചെയ്യുന്ന സ്ക്രീനിങ് കമ്മിറ്റിക്ക് േെഗ്ലാട്ടിന്റെയും അദ്ദേഹത്തിന്റെ ക്യാമ്പിന്റെയും കടുത്ത എതിർപ്പിന് മുന്നിൽ ഒന്നിലധികം പേരുകൾ ഉൾപ്പെടുത്താൻ കഴിഞ്ഞില്ല എന്നതായിരുന്നു ഇതിനർത്ഥം.
എംഎൽഎമാർക്കും മന്ത്രിമാർക്കും എതിരെ അഴിമതിയാരോപണമുണ്ടെന്ന കാരണത്താൽ അവർക്ക് സീറ്റ് നിഷേധിക്കുന്നതിനോട് ഗെലോട്ട് എതിരായിരുന്നുവെന്ന് വൃത്തങ്ങൾ പറഞ്ഞു. ചൊവ്വാഴ്ച ഡൽഹിയിലേക്ക് പുറപ്പെടുന്നതിന് മുമ്പ്, എംഎൽഎമാർ അഴിമതിക്കാരായിരുന്നെങ്കിൽ 2020ൽ തന്റെ സർക്കാരിനെ താഴെയിറക്കാൻ അവർ പണം വാഗ്ദാനം ചെയ്യുമായിരുന്നുവെന്ന് ഗെലോട്ട് വാദിച്ചു. സംസ്ഥാന കോൺഗ്രസിനെ പിടിച്ചുകുലുക്കിയ രണ്ട് രാഷ്ട്രീയ സംഭവവികാസങ്ങൾ 2020 ലെ പൈലറ്റിന്റെ കലാപവും സമാന്തര സിഎൽപിയും.
ഗെലോട്ട് ക്യാമ്പ് എംഎൽഎമാർ നടത്തിയ യോഗവും ഇപ്പോൾ സ്ഥാനാർത്ഥി നിർണയത്തിൽ കളിക്കുന്നുണ്ട്. തന്റെ സർക്കാരിനെതിരെ മത്സരിച്ച എംഎൽഎമാരെ മത്സരിപ്പിക്കരുതെന്ന് മുഖ്യമന്ത്രി ഗെലോട്ടിന്റെ ക്യാമ്പ് വിശ്വസിക്കുമ്പോൾ, പാർലമെന്ററി പാർട്ടി യോഗം നടത്തുന്നതിൽ ഹൈക്കമാൻഡിന്റെ നിർദ്ദേശം ലംഘിച്ച നിയമസഭാംഗങ്ങൾക്കും അതേ നിയമം ബാധകമാണെന്ന് സച്ചിൻ പൈലറ്റ് ക്യാമ്പ് വാദിക്കുന്നു.
