നിയമ വിദ്യാർത്ഥിനി കോളേജ് കെട്ടിടത്തിൽ നിന്ന് താഴേക്ക് ചാടി; സംഭവം തൊടപുഴ അൽ അസ്ഹർ ലോ കോളേജിൽ; കുടുംബ പ്രശ്‌നം കാരണമെന്ന് പൊലീസ്

തൊടുപുഴ: പെരുമ്പിള്ളിച്ചിറയിലെ അൽ അസ്ഹർ ലോ കോളജ് കെട്ടിടത്തിൽ നിന്ന് 22കാരിയായ നിയമ വിദ്യാർത്ഥിനി താഴേക്ക് ചാടി. തൃശൂർ സ്വദേശിനിയായ രണ്ടാം വർഷ നിയമ വിദ്യാർത്ഥിനി ആണ് കെട്ടിടത്തിന്റെ മൂന്നാം നിലയിൽ നിന്ന് ചാടിയത്. സംഭവത്തിന് പിന്നിൽ ആത്മഹത്യാശ്രമം ആണെന്നും കുടുംബ പ്രശ്നമാണ് കാരണമെന്നും തൊടുപുഴ പൊലീസ് പറഞ്ഞു. ഇന്ന് ഉച്ചയ്ക്ക് രണ്ടോടെയാണ് സംഭവം.

ഉടൻ തന്നെ തൊടുപുഴയിലെ ജില്ലാ ആശുപത്രിയിൽ എത്തിച്ചു. പ്രാഥമിക ചികിത്സയ്ക്ക് ശേഷം തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. അതേ സമയം വിദ്യാർത്ഥിനിയുടെ പരിക്ക് ഗുരുതരമല്ലെന്നും ആരോഗ്യ നിലയിൽ ആശങ്ക വേണ്ടെന്നും ആശുപത്രി അധികൃതർ അറിയിച്ചു. പെൺകുട്ടിക്ക് നട്ടെല്ലിന് പൊട്ടലും കൈകാലുകൾക്ക് ഒടിവുമുണ്ട്.