കൊച്ചി: ഞാനും ഞാനും എന്റെ ആളും... നാൽപതു പേരും... പൂമരം കൊണ്ട് കപ്പലുണ്ടാക്കി..... കാളിദാസ് ജയറാം ആദ്യമായി നായകനായി എത്തുന്ന ചിത്രം പൂമരം ഡിസംബറിൽ തിയേറ്ററുകളിൽ എത്തുന്നു. എബ്രിഡ് ഷൈനാണ് ചിത്രം സംവിധാനം ചെയ്തിരിക്കുന്നത്.

കഴിഞ്ഞ ഫെബ്രുവരിയിൽ ചിത്രം റിലീസ് ചെയ്യുമെന്നായിരുന്നു ആദ്യം പുറത്തുവന്നിരുന്ന വാർത്തകൾ. എന്നാൽ പിന്നീട് റിലീസ് നീളുകയായിരുന്നു. പൂമരം ഉപേക്ഷിച്ചെന്ന തരത്തിലുള്ള വാർത്തകൾ പോലും സോഷ്യൽ മീഡിയകളിൽ വന്നിരുന്നു. ചിത്രത്തിലെ രണ്ട് ഗാനങ്ങളും ഇതിനോടകം തന്നെ ഹിറ്റായിക്കഴിഞ്ഞു. ക്രിസ്മസ് റിലീസായി ചിത്രം തിയറ്ററിലെത്തിക്കാനാണ് നീക്കം.

കാളിദാസിന് പുറമെ കുഞ്ചാക്കോ ബോബൻ, മീരാ ജാസ്മിൻ, ഗായത്രി സുരേഷ് എന്നിവരും പൂമരത്തിൽ വേഷമിടുന്നതായാണ് സൂചന.