ലോകത്തെ വിവിധ നഗരങ്ങളുടെ ഇംഗ്ലീഷിലെഴുതുന്ന പേരുകളെല്ലാം നാം ശരിയായ രീതിയിൽ തന്നെയാണോ ഉച്ചരിക്കുന്നത്? നാം ഏറ്റവും കൂടുതൽ യാത്ര ചെയ്തതും നമ്മുടെ തൊട്ടടുത്തുള്ള പരിചിതമായ പലനാടുകളുടേയും പേരുകൾ ശരിയായ രീതിയിൽ പറയുന്ന കാര്യം നാം ശ്രദ്ധിക്കാറെയില്ല. വളരെ സുപരിചിതമായ ദുബൈ ദു-ബെ എന്നും ബാങ്കോക്ക് ബാഗ്-ഗ്വാക്ക് എന്നുമാണ് ശരിയായി ഉച്ചരിക്കുക എന്ന് ആർക്കൊക്കെ അറിയാം? ഇംഗ്ലീഷ് സപെല്ലിങ്ങിലെ അവ്യക്തതയിൽ നിന്നാണ് ഈ പ്രശ്‌നമുദിക്കുന്നതെന്ന് യൂണിവേഴ്‌സിറ്റി കോളജ് ലണ്ടനിലെ ഉച്ചാരണ ശാസ്ത്ര പ്രൊഫസർ ജോൺ വെൽസ് പറയുന്നു. ഇത്തരത്തിലുള്ള ഏതാനും നഗരങ്ങളുടെ പേര് ഒന്നു നോക്കൂ.

ഫുക്കെറ്റ്, തായ്‌ലാന്റ്
ഈ സ്ഥലപ്പേർ ഇംഗ്ലീഷിലെഴുതുമ്പോൾ ആദ്യ വരുന്ന പി, എച്ച് എന്നീ അക്ഷരങ്ങളുടെ ഉച്ചാരണം ഫ എന്നല്ല പ എന്നാണ്. കെ എന്ന അക്ഷരം ഏതാണ്ട് ഗ പോലെയാണ് പറയുക. പു-ഗെറ്റ് എന്നാണ് ശരിയായ ഉച്ചാരണം.

ബാങ്കോക്ക്
തായ്‌ലാന്റിന്റെ ഈ തലസ്ഥാന നഗരം സഞ്ചാരികൾക്ക് ഏറെ പ്രിയപ്പെട്ട നഗരമാണ്. ഇഗ്ലീഷിൽ ഈ സ്ഥലപ്പേരിലെ എ എന്ന അക്ഷരം ആഹ് എന്നാണ് ഉച്ചരിക്കേണ്ടത്. കെ ഒന്നു കൂടി കടുപ്പത്തിൽ ഗ എന്നും അവസാനത്തെ കെ, ഒ എന്നീ അക്ഷരങ്ങൾ ചേർത്ത് ഗ്വ എന്നുമാണ് ഉച്ചാരണം. അപ്പോൾ ബാങ്കോക്ക് ബാഹ്-ഗ്വാക്ക് ആയി മാറും

മെൽബൺ
ഓസ്‌ത്രേലിയൻ നഗരമായ മെൽബണിനെ ചിലർ മെൽബോൺ എന്നും വിളിക്കാറുണ്ട്. പക്ഷെ അവിടെ ജീവിക്കുന്നവർ തങ്ങളുടെ നഗരത്തെ വിളിക്കുന്നത് മെൽബിൻ എന്നാണ്. ബ്രിസ്‌ബെയ്ൻ ബ്രിസ്ബിൻ എന്നാണ് ഉച്ചരിക്കുക എന്നും ഓർക്കുക.

കൊളംബിയ
ഈ ദക്ഷിണ അമേരിക്കൻ രാജ്യത്തെ കൊളംബിയ ന്യൂയോർക് യൂണിവേഴ്‌സിറ്റിയായി തെറ്റിദ്ധരിക്കരുത്. വാസ്തവത്തിൽ ഈ രാജ്യത്തിന്റെ പേര് കൊളംബിയ എന്നതിനു പകരം കൊൽ-ഒമ്പിയ എന്നാണ് ശരിയായി ഉച്ചരിക്കേണ്ടത്.

ബുഡാപെസ്റ്റ്
യൂറോപ്പിലെ മനോഹരമായ നഗരമാണിത്. ഇവിടുത്തെ പാലങ്ങൾ പ്രശസ്തമാണ്. ഈ ഹംഗേറിയൻ തലസ്ഥാനത്തിന്റെ പേര് ബൂഡ-പെഷ്ത് എന്നാണ് ശരിയായ രീതിയിൽ ഉച്ചരിക്കുക.

മറ്റനേകം നഗരങ്ങളുടെ പേരുകളും നാം ഇംഗ്ലീഷ് സ്‌പെല്ലിങ് അനുസരിച്ച് ഉച്ചരിക്കുന്നുണ്ട്. ബ്രിട്ടനിലെ വോർസെസ്റ്റർഷയർ പറയുമ്പോൾ ഇത്ര കടുകട്ടിയൊന്നുമല്ല. വെറും വസ്റ്റർ മാത്രമാണ്. അതേപോലെ മെക്‌സിക്കോയിലെ ഒസാക വാ-ഹാ-ക ആണ്. പട്ടിക അവസാനിക്കുന്നില്ല. മിക്ക നഗരങ്ങളുടേയും പേരുകളുടെ ശരിയാ ഉച്ചാരണം അവയുടെ പ്രാദേശിക ഭാഷാ സ്വരങ്ങളിലായിരിക്കുമെന്നതാണ് നമ്മുടെ ഈ ഉച്ചാരപ്പിശകിന്റെ കാരണം.