മഞ്ചേരി: പോപുലർ ഫ്രണ്ട് ഓഫ് ഇന്ത്യ ദേശീയ തലത്തിൽ നടത്തിവരുന്ന ആരോഗ്യ കാംപയിന്റെ സംസ്ഥാന തല സമാപനം നവംബർ 30 ചൊവ്വാഴ്ച മഞ്ചേരിയിൽ നടക്കും. സമാപന പൊതുസമ്മേളനത്തിനോടനുബന്ധിച്ച് ക്രോസ് കൺട്രി മത്സരം, കൂട്ടയോട്ടം, ആയോധനകല പ്രദർശനം, ആരോഗ്യ ബോധവൽക്കരണം എന്നിവയും സംഘടിപ്പിക്കുന്നു.

പയ്യനാട് ചോലക്കൽ നിന്നും വൈകുന്നേരം നാലുമണിക്ക് ആരംഭിക്കുന്ന ക്രോസ് കൺട്രി മത്സരം മഞ്ചേരി കിഴക്കേതലയിൽ സമാപിക്കും. തുടർന്ന് നടക്കുന്ന കൂട്ടയോട്ടം സമാപന സമ്മേളന നഗരിയായ പഴയ ബസ് സ്റ്റാൻഡ് ഓഡിറ്റോറിയത്തിൽ സമാപിക്കും.സമാപന സമ്മേളനം പോപുലർ ഫ്രണ്ട് ഓഫ് ഇന്ത്യ സംസ്ഥാന ജനറൽ സെക്രട്ടറി എ. അബ്ദുൽ സത്താർ ഉദ്ഘാടനം ചെയ്യും. ആരോഗ്യ മേഖലയിലെ പ്രമുഖർ സംബന്ധിക്കുന്ന സമ്മേളനത്തിൽ സംസ്ഥാനത്തെ പ്രമുഖ കളരിസംഘം അവതരിപ്പിക്കുന്ന ആയോധനകല പ്രദർശനവും ഉണ്ടായിരിക്കും എന്ന് സംഘാടക സമിതി അറിയിച്ചു.

ക്രോസ് കൺട്രി മത്സരത്തിൽ പങ്കെടുക്കാൻ താല്പര്യമുള്ളവർ 9995277655 എന്ന ഫോൺ നമ്പറിൽ ബന്ധപ്പെടാവുന്നതാണ് എന്ന് ഭാരവാഹികൾ അറിയിച്ചു.

 

ദേശീയ ആരോഗ്യ ക്യാമ്പയിൻപോപുലർ ഫ്രണ്ട്

മറുനാടന്‍ മലയാളി

    മറുനാടന്‍ മലയാളി ബ്യൂറോ