ദോഹ: ഇന്ത്യയിലെ ഏറ്റവും പ്രശസ്തമായ പ്രകാശ് പദുകോൺ ബാഡ്മിന്റൺ സ്‌കൂൾ അവരുടെ ആദ്യ വിദേശ സെന്റർ ഖത്തറിൽ തുടക്കം കുറിക്കുന്നു. 1994 ൽ ബാംഗ്ലൂരിലാണ് പ്രകാശ് പദുകോൺ ബാഡ്മിന്റൺ സ്‌കൂളിനു തുടക്കം കുറിച്ചത്.

തുടർന്ന് ഇന്ത്യയിലെ നിരവധി കേന്ദ്രങ്ങളിൽ അക്കാദമികൾ സ്ഥാപിക്കുകയും ധാരാളം കളിക്കാരെ വളർത്തിയെടുക്കുകയും ചെയ്യുകയുണ്ടായി. വിദേശത്തുള്ള അവരുടെ ആദ്യ സെന്റർ ഖത്തറിലെ ഇന്ത്യൻ സ്പോർട്സ് അക്കാഡമി ആയ അബ്‌സല്യൂട്ട് അക്കാദമിയുമായും പ്രമുഖ സ്പോർട്സ് ഗ്രൂപ് ആയ ഇന്ത്യ ഓൺ ട്രാക്കുമായും സഹകരിച്ചാണ് പ്രകാശ് പദുകോൺ ബാഡ്മിന്റൺ സ്‌കൂൾ ഖത്തറിൽ പ്രവർത്തിക്കുന്നത്.

അബൂഹമൂറിലെ അൽ ജസീറ അക്കാദമിയിലാണ് സ്ഥാപനം പ്രവർത്തിക്കുന്നത്.