പ്രതിധ്വനിയും തൃക്കാക്കര മോഡൽ എഞ്ചിനീയറിങ് കോളേജ് പൂർവ്വവിദ്യാർത്ഥി സംഘടനയും ചേർന്ന് ഓക്‌സിമീറ്ററുകളും പി പി ഇ കിറ്റുകളും മന്ത്രി വീണ ജോർജിനു കൈമാറി
ഐ ടി ജീവനക്കാരുടെ ക്ഷേമ സംഘടന ആയ പ്രതിധ്വനിയും തൃക്കാക്കര മോഡൽ എഞ്ചിനീയറിങ് കോളേജ് പൂർവ്വവിദ്യാർത്ഥി സംഘടനയുടെ ജീവകാരുണ്യ വിഭാഗമായ XMEC സോഷ്യൽ അസ്സിസ്റ്റ് ചാരിറ്റബിൾ ട്രസ്റ്റും (XSA Charitable Trust) ചേർന്ന് സമാഹരിച്ച 200 ഓക്‌സിമീറ്ററുകളുടെയും 200 പി പി ഇ കിറ്റുകളുടെയും വിതരണോത്ഘാടനം കേരളത്തിന്റെ ബഹുമാനപ്പെട്ട ആരോഗ്യ മന്ത്രി വീണ ജോർജ് നിർവഹിച്ചു.
പ്രതിധ്വനി ജോയിന്റ് സെക്രട്ടറി വിഷ്ണു രാജേന്ദ്രൻ, മോഡൽ എഞ്ചിനീയറിങ് കോളേജ് പൂർവ്വ വിദ്യാർത്ഥികളുടെ പ്രതിനിധി ദീപ ആർ എസ്, പ്രതിധ്വനി എക്‌സിക്യൂട്ടീവ് അംഗം രാജീവ് കൃഷ്ണൻ, ബിജു പ്രസാദ് എന്നിവർ ചടങ്ങിൽ പങ്കെടുത്തു.
പ്രതിധ്വനി പ്രവർത്തകർ ഓക്‌സിമീറ്ററുകളും പി പി ഇ കിറ്റുകളും താഴെ പറയുന്ന ആരോഗ്യ കേന്ദ്രങ്ങൾക്ക് നേരിട്ടെത്തിച്ചു.
1. കുടുംബരോഗ്യ കേന്ദ്രം, അരുവിക്കര
2. പ്രാഥമിക ആരോഗ്യ കേന്ദ്രം, വെൺപാലവട്ടം
3. ജില്ലാ ആശുപത്രി, പേരൂർക്കട
4.കോവിഡ് വാർ റൂം, കഴക്കൂട്ടം
5. അർബൻ പ്രൈമറി ഹെൽത്ത് സെന്റർ, ചാക്ക
6.കോവിഡ് കൺട്രോൾ റൂം, പാറശ്ശാല
പ്രതിധ്വനി ജോയിന്റ് സെക്രട്ടറി രഞ്ജിത് ജയരാമൻ, പ്രതിധ്വനി വൈസ് പ്രസിഡന്റ് പ്രശാന്തി പ്രമോദ് എക്‌സിക്യൂട്ടീവ് അംഗങ്ങളായ സതീഷ് കുമാർ, ജോഷി എ കെ, ജയ്കൃഷ്ണൻ എന്നിവരുടെ നേതൃത്വലായിരുന്നു വിതരണം.
