ഒളിമ്പിക്സ്: അമ്പെയ്ത്തിൽ ലോക രണ്ടാം താരത്തെ അട്ടിമറിച്ച് പ്രവീൺ യാദവ് പ്രീ ക്വാർട്ടറിൽ; ജയം നേരിട്ടുള്ള സെറ്റുകൾക്ക്

ടോക്യോ: പുരുഷന്മാരുടെ വ്യക്തിഗത അമ്പെയ്ത്തിൽ ലോക രണ്ടാം നമ്പർ താരത്തെ അട്ടിമറിച്ച് ഇന്ത്യയുടെ പ്രവീൺ യാദവ് പ്രീ ക്വാർട്ടറിൽ പ്രവേശിച്ചു. റഷ്യയുടെ ഗൽസാൻ ബസർഷപോവിനെ കീഴടക്കിയാണ് താരം പ്രീ ക്വാർട്ടറിൽ പ്രവേശിച്ചത്. സ്‌കോർ: 6-0.

അനായാസ വിജയമാണ് ്പ്രവീൺ നേടിയത്. ലോക രണ്ടാം നമ്പർ താരമായ ബസർഷപോവിനെ നേരിട്ടുള്ള സെറ്റുകൾക്കാണ് പ്രവീൺ അട്ടിമറിച്ചത്. ആദ്യ സെറ്റ് 29-27 ന് സ്വന്തമാക്കിയ ഇന്ത്യൻ താരം രണ്ടാം സെറ്റ് 28-27 നും മൂന്നാം സെറ്റ് 28-24 നും സ്വന്തമാക്കി.

നേരത്തേ ഇന്ത്യയുടെ മറ്റൊരു താരമായ തരുൺദീപ് റായ് പ്രീക്വാർട്ടറിൽ നിന്നും പുറത്തായിരുന്നു. വനിതാ വിഭാഗത്തിൽ ഇന്ത്യയുടെ മെഡൽ പ്രതീക്ഷയായ ദീപിക കുമാരി എലിമിനേഷൻ റൗണ്ടിൽ ഇന്ന് മത്സരിക്കും