മുംബൈ: ബോളിവുഡും ഹോളിവുഡും ഏറെ ചർച്ച ചെയ്ത പ്രണയമായിരുന്നു പ്രിയങ്കാ ചോപ്രയുടെയും അമേരിക്കൻ ഗായകൻ നിക് ജോനാസിന്റെയും പ്രണയം. ഏറെ നാളത്തെ പ്രണയത്തിനൊടുവിൽ ഇവർ വിവാഹം നിശ്ചയും നടത്തി. അടുത്ത് തന്നെ വിവാഹം ഉണ്ടാവുമെന്ന് അറിയിച്ചിരിന്നു.

എന്നാൽ ഇപ്പോൾ പുറത്തുവരുന്ന വിവരം അനുസരിച്ച് ഇരുവരുടെയും വിവാഹം ഉടൻ ഇല്ലെന്നാണു റിപ്പോർട്ടുകൾ. വിവാഹം ഉടൻ വേണ്ടെന്നാണു പ്രിയങ്കയുടെയും നിക്കിന്റെയും തീരുമാനമെന്നു അടുത്തവൃത്തങ്ങൾ അറിയിച്ചതായി ഹോളിവുഡ് ടാബ്ലോയ്ഡുകളിൽ വരുന്ന വാർത്ത.

ഇരുവരും അവർ ഏറ്റെടുത്ത ജോലികൾ തീർക്കാനുള്ള തിരക്കിലാണ്. അതെല്ലാം കഴിഞ്ഞ ശേഷം അടുത്ത വർഷം മാത്രമേ വിവാഹമുണ്ടാകൂ എന്നാണ് അടുത്തവൃത്തങ്ങൾ നൽകുന്ന സൂചന. എന്നാൽ ഇതിനിടെ നവംബർ 29ന് സുഹൃത്തുക്കൾക്കായി സംഗീത വിരുന്നൊരുക്കാൻ നിക് ജോനാസും പ്രിയങ്ക ചോപ്രയും തീരുമാനിച്ചിട്ടുണ്ട്.

വിവാഹ നിശ്ചയത്തിനു ശേഷം ഇരുവരും ഒരുമിച്ചുള്ള യാത്രകളുടെ ചിത്രങ്ങളും വിശേഷങ്ങളുമെല്ലാം ആരാധകർ ഏറ്റെടുത്തിരുന്നു. നിക് ജോനാസും പ്രിയങ്കയും തമ്മിലുള്ള വിവാഹം ഉടൻ നടക്കുമെന്നായിരുന്നു നിക്കിന്റെ സഹോദരൻ ജോ ജോനാസ് അറിയിച്ചത്. കുഞ്ഞിനെ കുറിച്ചുള്ള ചിന്തകൂടി പ്രിയങ്ക പങ്കുവച്ചതോടെ താരത്തിന്റെ വിവാഹം ഉടൻ ഉണ്ടാകുമെന്ന വിലയിരുത്തലിലായിരുന്നു ആരാധകർ.