പ്രൊഫ.എ.വി.താമരാക്ഷൻ ജെ.എസ്.എസ് സംസ്ഥാന പ്രസിഡന്റ്; തീരുമാനം, സംസ്ഥാന ഭാരവാഹി യോഗത്തിൽ

കൊച്ചി: യുഡിഎഫ് ഘടക കക്ഷിയായ ജെ.എസ്.എസിന്റെ സംസ്ഥാന പ്രസിഡന്റായി പ്രൊഫ. എ.വി.താമരാക്ഷനെ തിരഞ്ഞെടുത്തു. കൊച്ചിയിൽ കൂടിയ ജെ.എസ്.എസ് സംസ്ഥാന ഭാരവാഹി യോഗമാണ് പ്രസിഡന്റിനെ തിരഞ്ഞെടുത്തത്.

കെ.ആർ.ഗൗരിയമ്മയുടെ നിര്യാണത്തെതുടർന്ന് പാർട്ടി പ്രസിഡന്റ് സ്ഥാനം ഒഴിഞ്ഞുകിടക്കുകയായിരുന്നു.2021 ജനുവരി 30,31 തിയതികളിൽ ആലപ്പുഴയിൽ നടന്ന എട്ടാം സംസ്ഥാന സമ്മേളനത്തിലാണ് ജെ.എസ്.എസ് പ്രസിഡന്റായി കെ.ആർ ഗൗരിയമ്മയെയും, ജനറൽ സെക്രട്ടറിയായി അഡ്വ.എ.എൻ.രാജൻ ബാബുവിനെയും തിരഞ്ഞെടുത്തത്.ഇക്കഴിഞ്ഞ ജൂണിൽ പ്രൊഫ. എ.വി.താമരാക്ഷന്റെ നേതൃത്വത്തിലുള്ള ആർ.എസ്‌പി.(ബി) ജെ.എസ്.എസിൽ ലയിച്ചിരുന്നു.