കാൺപുർ: പി.ടി ഉഷ കാൺപുർ ഐ.ഐ.ടിയുടെ ഡോകടറേറ്റ് സ്വീകരിച്ചു. അത്‌ലറ്റ്, പരിശീലക എന്നീ നിലകളിൽ ഇന്ത്യൻ കായികരംഗത്തിനും ഇന്ത്യയിലെ സ്ത്രീകൾക്കും നൽകിയ സംഭാവനകൾ കണക്കിലെടുത്താണ് പി.ടി ഉഷക്ക് ഡോക്ടറേറ്റ് നൽകിയത്. കാൺപൂരിലെ ഐ.ഐ.ടി. കാമ്പസിൽ നടന്ന ചടങ്ങിലാണ് പി.ടി ഉഷ ഡോക്ടറേറ്റ് സ്വീകരിച്ചത്. 

ഇന്ത്യ കണ്ടതിൽ വച്ച് ഏറ്റവും മികച്ച വനിതാ അത്‌ലറ്റായി കണക്കാക്കപ്പെടുന്ന ഉഷയ്ക്ക് ഇത് രണ്ടാം തവണയാണ് ഡോക്ടറേറ്റ് ലഭിക്കുന്നത്. 2002ൽ കണ്ണൂർ സർവകലാശാല പയ്യോളി എക്സ്‌പ്രസിന് ഡി ലിറ്റ് സമ്മാനിച്ചിരുന്നു.